الستات غلابه..................... و الله يا خاااال
قبل الجواز معامله........... ف منتهى الجمال
و بعده ............يكفيك شر اللى على سهوه
يسمعوا كلام..................... مينفعش يتقال
.............
و تلاقى نفسها عايشه.... مع واحد متعرفوش
تجيبه يمين تجيبه شمال........... متلاقيهوش
و ان جت تتكلم.................... يا عينى عليها
تسمع كل.......................... اللى متحبوش
...............
بعد ما كانت .................ست البنات الجميله
حبيبة ابوها و امها.................... البت الحيله
تبقى ممرضه.................. و طباخه و غساله
و يوم ما يدلّعها.................. يقولها جتك نيله
..............
و ياسلام بقى................. لو فَكّرت ترد عليه
تتعب كرامتُه قوى.................... سعادة البيه
و يقولّها بلا قرف...................... طلعتى بيئه
و النبى تتلهى.................... منفوخ على ايه
..............
ضِحِكت عليّه و عملت........ لى البحر طحينه
ياما زرعت لى................ الاحلام ف الجُنينه
و طلعنا القمر................... انا و انت لوحدينا
و اما اتجوزنا معامله زفت....... و عيشه طينه
.............
و ابويا يقوللى الطلاق........... متفكريش فيه
خلّفتى الواد........................... ولازم تربيه
اِنسى نفسك ...................دلوقت خااالص
و نفّذى الكلام............... اللى هقولك عليه
................
آه يا زمن .........................قاسى و غدّار
بقى دى وصايا................... النبى المختار
بدل يا بويا..................... ما تعلّمه و تعقّله
تقوللى ايّاك تخطّى.................. عتبة الدار
...............
سلّمنا نفسنا......................... و أمرنا لله
كل شىء لازم يوصل.................. لمنتهاه
و الكرب مهما........................ زاد و اشتد
لازم ينتهى......................و الفرج بأمر الله
............