ﻣﺮﺕ ﺳﻨﻴﻦ ﻭﺳﻂ ﺍﻟﺰﺣﺎﻡ
ﺣﺘﻰ ﺍﻟﻌﻴﻮﻥ ﻭﺳﻂ ﺍﻟﻈﻨﻮﻥ
ﻣﻜﺎﻧﺘﺶ ﻋﺎﺭﻓﻪ ﺍﺯﺍﻱ ﺗﻨﺎﻡ !
ﺍﻟﻠﻴﻠﻪ ﺩﻱ ﻗﻠﺒﻲ ﻫِﺪِﻱ
ﻭﺍﻟﺨﻮﻑ ﺑِﻌِﺪ
ﻭﺍﻟﺠﺮﺡ ﻧﺎﻡ
ﻭﻛﺄﻧﻬﺎ ﻟﺤﻈﺔ ﺳﻼﻡ
ﻟﻤّﺎ ﻟﻘﻴﺖ ﻧﻮﺭﻫﺎ ﺑﺪﻯ
ﻭﺍﻟﻘﻠﺐ ﻟﻠﻘﻠﺐ ﺍﻫﺘﺪﻯ
ﻭﻛﺈﻧﻬﺎ ﺳﺎﻋﺔ ﺭﺿﺎ
ﻣﻤﻨﻮﺣﺔ ﻣﻦ ﺭﺏ ﺍﻷﻧﺎﻡ
ﻭﺑﻘﻴﻨﺎ ﻓﻲ ﻋِﺰِّ ﺍﻟﻬﻴﺎﻡ
ﻓﻲ ﻟﻴﻠﻪ ﻋﻤﺮﻱ ﻣﺎ ﺷﻮﻓﺘﻬﺎ
ﻭﻻ ﻓﻲ ﺍﻟﻤﻨﺎﻡ
ﻟﻴﻠﺔ ﻏﺮﺍﻡ *
ﻟﻤّﺎ ﻗﺎﻡ ﺍﻟﺪﻳﻚ ﻳﺄﺫّﻥ
ﻗﻔﻠﺖ ﻋﻴﻮﻧﻬﺎ ﻭﻏﻤﻀّﺖ
ﻭﻛﺄﻧﻪ ﻳﻌﻨﻲ ﺍﻟﺮﻣﺶ ﻧﺎﻡ
ﻭﺑﺸﻮﻕ ﻭﺣُﺐ ﺍﺗﻨﻬّﺪِﺕ
ﻗﺎﻟﺖ ﺧﻼﺹ ﺳِﻜﺖ ﺍﻟﻜﻼﻡ
ﺣﺴﻴﺖ ﺳﺎﻋﺘﻬﺎ
ﺇﻥ ﻟﺤﻈﺎﺕ ﺍﻟﻬﻴﺎﻡ
ﺑﺘﻔﻮﺕ ﻗﻮﺍﻡ ..
ﺃﻧﺎ ﻛﻨﺖ ﺣﺎﺳﺲ
ﺇﻧﻲ ﻓﻲ ﺣﻀﺮﺓ ﻣﻼﻙ
ﺍﻟﻠﻤﺴﻪ ﻣﺶ ﻟﻤﺴﺔ ﺑﺸﺮ
ﻗﻮﻟﻮﺍ ﺣﺮﻳﺮ
ﺃﻭ ﺭﻳﺶ ﻧﻌﺎﻡ !
ﺃﻣّﺎ ﺍﻟﻌﺒﻴﺮ
ﻛﺎﻥ ﺷﻲﺀ ﺟﻤﻴﻞ
ﻳﺸﻔﻲ ﺍﻟﻌﻠﻴﻞ
ﻟﻮ ﺑﺲ ﻗﺮﺏ ﻡ ﺍﻟﻘﻮﺍﻡ
ﻭﺍﻟﺜﻐﺮ ﻣﻦ ﻃﻴﺐ ﺍﻟﻜﻼﻡ
ﻣﻔﺎﺭﻗﺶ ﻟﺤﻈﻪ ﺍﻹﺑﺘﺴﺎﻡ
ﻷ ﻣﺶ ﻛﻼﻡ !
ﻛﺎﻧﺖ ﺑﺘﻬﻤﺲ
ﻫﻤﺲ ﺃﺣﻠﻰ ﻣﻦ ﺍﻟﻜﻼﻡ
ﻭﻛﺄﻧﻬﺎ ﺑﺪﺭ ﺍﻟﺴﻤﺎ ﻟﻴﻠﺔ ﺍﻟﺘﻤﺎﻡ
ﻛُﻨﺎ ﻓﻲ ﺣﺎﻟﺔ ﺇﻧﺴﺠﺎﻡ
ﻃﺎﻳﺮﻳﻦ ﻟﻔﻮﻕ ﻋﻨﺪ ﺍﻟﺴﻤﺎ
ﻣﺘﻮﺳﺪﻳﻦ ﺣﺘﺔ ﻏﻤﺎﻡ ،
ﺣﺴﻴﺖ ﻛﺄﻧﻲ
ﻋﻤﺮﻱ ﻣﺎ ﻋﺮﻓﺖ ﺍﻟﻐﺮﺍﻡ
ﻃﻮﻝ ﻋﻤﺮﻱ ﻭﺍﻧﺎ ﻟﻴﻠﻲ ﻃﻮﻳﻞ
ﻣﻌﺮﻓﺶ ﻟﻴﻪ ﺍﻟﻠﻴﻠﻪ ﺩﻱ
ﻓﺎﺗﺖ ﻗﻮﺍﻡ !
ﻣﻌﺮﻓﺶ ﻟﻴﻪ ﺍﻟﺪﻳﻚ ﺻﺤﻲ !
ﻛﺎﻥ ﻧﻔﺴﻲ ﺑﺲ ﺍﻟﻠﻴﻠﻪ ﺩﻳﺎ
ﺍﻟﺪﻳﻚ ﻳﻨﺎﻡ .......
ــــــــــــــــــــ