ﻋﻠﻤﻮﻧﺎ ﻓﻰ ﺍﻟﻤﺪﺍﺭﺱ...بقلم الشاعر المصري د. أحمد عبد الرحمن - مجلة نجوم الأدب والشعر

ﻋﻠﻤﻮﻧﺎ ﻓﻰ ﺍﻟﻤﺪﺍﺭﺱ
ﺍﺯﺍﻯ ﻧﺤﺐ ﺭﺑﻨﺎ
ﺍﺯﺍﻯ ﻧﺤﺐ ﺍﺭﺿﻨﺎ
ﺍﺯﺍﻯ ﻧﺬﺍﻛﺮ ﺍﺯﺍﻯ ﻧﻨﺎﻓﺲ
ﻋﻠﺸﺎﻥ ﻧﺤﻘﻖ ﺣﻠﻤﻨﺎ
ﻋﻠﻤﻮﻧﺎ ..
ﺍﻥ ﺣﺐ ﺍﻻﺭﺽ ﻓﺮﺽ
ﺍﻥ ﻋﺮﺿﻚ ﻳﺎﺑﻠﺪﻧﺎ ..
ﺍﻏﻠﻰ ﻋﺮﺽ
ﺍﻳﺎﻙ ﺗﻔﻜﺮ ﺑﺲ ﻋﺮﺿﻚ
ﻓﻰ ﺍﻟﺒﻨﺎﺕ ﻭﻓﻰ ﺍﻟﻨﺴﺎ
ﺍﻧﺖ ﻻﺯﻡ ﺗﺤﻤﻰ ﺍﺭﺿﻚ
ﻓﻰ ﺍﻟﺼﺒﺎﺡ ﻭﻓﻰ ﺍﻟﻤﺴﺎ
ﻟﻜﻦ ﻟﻤﺎ ﻳﺪﺧﻞ ﺣﺪ ﺑﻴﺘﻚ
ﻏﺼﺐ ﻋﻨﻚ ..ﺍﻭ ﻓﻰ ﻏﻴﻄﻚ
ﻟﻤﺎ ﻳﻬﺠﻢ ﻉ ﺍﻟﺤﺪﻭﺩ
ﻟﻤﺎ ﻳﻘﻄﻒ ﻓﻰ ﺍﻟﻮﺭﻭﺩ
ﻟﻤﺎ ﻳﻘﺘﻞ ﻓﻰ ﺍﻟﺠﻨﻮﺩ
ﻟﻤﺎ ﻳﻄﻔﻰ ﺷﻤﻌﺔ ﻗﺎﻳﺪﺓ
ﻟﻤﺎ ﺑﻴﻬﺪﻡ ﺳﺪﻭﺩ
ﻟﻤﺎ ﻳﻘﺘﻞ ﺑﺴﻤﺔ ﻓﻴﻨﺎ
ﻭﺍﻻﺳﻰ ﻳﺨﻴﻢ ﻋﻠﻴﻨﺎ
ﻳﺒﻘﻰ ﻻﺯﻡ ﻣﻨﻨﺎ ..
ﻳﻨﻬﺾ ﺍﺳﻮﺩ
ﻋﻠﺸﺎﻥ ﻳﺰﻭﺩﻭﺍ ﻋﻨﻨﺎ ...
ﻭﻳﺤﻤﻮﺍ ﺍﻟﺤﺪﻭﺩ
ﻛﻞ ﺩﻗﺔ ﻗﻠﺐ ﻓﻴﻨﺎ ..
ﺗﻜﻮﻥ ﺑﺎﺭﻭﺩ
ﻛﻞ ﻫﻤﺴﺔ ﺗﻜﻮﻥ ﺭﺻﺎﺹ
ﻡ ﺍﻟﻌﺪﺍ ﺑﺘﻘﻮﻝ ﻗﺼﺎﺹ
ﻭﺍﻥ ﻗﺘﻠﻮﺍ ﻣﻠﻴﻮﻥ ﺷﻬﻴﺪ
ﻻﺟﻞ ﺍﻟﻮﻃﻦ ...
ﻣﻔﻴﺶ ﻣﻨﺎﺹ ...
ﻭﻻ ﺍﻗﻮﻝ ﺧﻼﺹ ....
ﺣﺘﻰ ﺍﻻﻗﻰ ﺭﺍﻳﺘﻰ ﻋﺎﻟﻴﺔ
ﻭﺍﻟﻜﻞ ﻳﺰﺣﻒ ﻟﻠﺨﻼﺹ
\\\\\\\\\\\\\\\\\
ﻟﻮ ﻳﺬﺑﺤﻮﺍ ﻣﻨﺎ ﺍﻟﻮﻟﻴﺪ
ﺍﻭ ﻳﻨﺰﻋﻮﺍ ﻓﻴﻨﺎ ﺍﻟﻮﺭﻳﺪ
ﻳﺒﻘﻰ ﻋﺎﺩﻯ ﻣﺶ ﺟﺪﻳﺪ
ﺍﺻﻞ ﺣﺐ ﺍﻻﺭﺽ ﻓﺮﺽ
ﺍﺻﻞ ﺑﻠﺪﻯ ﺧﻴﺮ ﺍﺭﺽ
ﻭﻋﺮﺽ ﺍﻣﻰ ﺍﻏﻠﻰ ﻋﺮﺽ
\\\\\\\\\\\\\\\
ﻗﺎﻟﻮﺍ ﺍﻟﺨﻴﺎﺛﺔ ﻑ ﺍﻟﺠﺤﻴﻢ
ﻭﺍﻟﻠﻰ ﻳﺨﻮﻧﻚ ﻳﺎﻭﻃﻦ ...
ﻳﻠﻘﻰ ﺍﻟﻨﻌﻴﻢ ؟
ﺍﻟﻌﻘﻞ ﻧﺤﻤﻰ ﺍﻣﻨﺎ ...
ﺍﻟﺸﺮﻉ ﻣﻮﺕ ﻓﺪﺍ ﺍﺧﺘﻨﺎ
ﻭﺍﻟﻠﻰ ﻳﺒﻴﻌﻚ ﻳﺎﻭﻃﻦ ........
ﻭﻳﻘﻮﻝ ﺑﻨﺮﺿﻰ ﺭﺑﻨﺎ ؟
ﺍﺯﺍﻯ ﻳﺎﻧﺎﺱ .. ﻳﻜﻮﻥ ﺩﺍﺩﻳﻦ ؟
ﻟﻤﺎ ﺟﺮﺱ ﺍﻟﻤﺪﺭﺳﺔ
ﻳﻘﻮﻡ ﻳﺮﻥ
ﻟﻤﺎ ﺯﻗﺰﻗﺔ ﺍﻟﻄﻴﻮﺭ
ﻟﻠﻨﻮﺭ ﺗﺤﻦ
ﻟﻤﺎ ﻧﺤﻠﺔ ﻓﻰ ﺍﻟﺸﺠﺮ
ﺗﻄﻠﻊ ﺗﺰﻥ
ﺻﻮﺕ ﺍﻟﺠﺪﺍﻭﻝ ﻡ ﺍﻟﺤﺰﻥ
ﻳﺒﻜﻰ ﻳﺌﻦ
ﻳﺒﻘﻰ ﺍﺳﻤﻚ ﻳﺎﻭﻃﻦ
ﻧﻮﺭ ﺍﻟﻌﻨﻴﻦ
ﻭﺍﻟﺸﻤﺲ ﻃﺎﻟﻌﺔ ﻣﺼﻔﺮﺓ
ﻭﻋﺎﺻﺒﺔ ﺍﻟﺠﺒﻴﻦ
ﺷﻌﺎﻏﻬﺎ ﺳﺎﻳﻞ ﻉ ﺍﻟﻮﺷﻮﺵ
ﺩﻣﻌﻰ ﺍﻟﺴﺨﻴﻦ
ﻟﻤﺎ ﻧﻮﺭ ﺍﻟﺒﺪﺭ ﻏﺎﺏ
ﻓﻰ ﻟﻴﻞ ﺣﺰﻳﻦ
ﻟﻤﺎ ﺗﻠﻘﻰ ﺍﻟﻨﺠﻤﺔ ﺣﺎﻳﺮﺓ
ﻓﻰ ﺍﻟﺸﻤﺎﻝ ﻭﻻ ﺍﻟﻴﻤﻴﻦ
ﻳﺒﻘﻰ ﻓﻴﻨﺎ ﺍﻟﻠﻰ ﺑﺎﻉ
ﺧﺎﻥ ﺍﻟﻴﻤﻴﻦ
ﻭﺍﻻﻗﻰ ﺍﺳﻤﻚ ﻳﺎﻭﻃﻦ
ﻫﺎﺩﻯ ﻭﺍﻣﻴﻦ
\\\\\\\\\\
ﻟﻤﺎ ﺍﻟﺸﺠﺮ ﺗﻠﻘﺎﻩ
ﻳﺼﻴﻒ ﻋﺰ ﺍﻟﺮﺑﻴﻊ
ﻟﻤﺎ ﺍﺑﻦ ﻟﻌﺮﺽ ﺍﻣﻪ
ﻑ ﻳﻮﻡ ﻳﺒﻴﻊ
ﺗﺒﻘﻰ ﺍﻟﻘﻴﺎﻣﺔ ﻗﺮﺑﺖ
ﻭﺍﻟﻴﻮﻡ ﺳﺮﻳﻊ
ﻭﺍﻟﻜﻞ ﺧﺎﻳﻒ ﻡ ﺍﻟﻌﻨﺎ
ﻭﺍﻟﺨﻮﻑ ﻓﻈﻴﻊ
ﻭﻟﻤﺎ ﺭﺑﻪ ﻳﺴﺄﻟﻪ ﺍﺯﺍﻯ ﺗﺒﻴﻊ ؟
ﺗﻨﺰﻝ ﺩﻣﻮﻉ ﺍﻟﺪﻡ ﺗﺠﺮﻯ ﺑﺎﻟﺴﺮﻳﻊ
ﻭﺍﻻﻗﻰ ﺣﺒﻚ ﻳﺎﻭﻃﻦ
ﻫﻮ ﺍﻟﺸﻔﻴﻊ
ﻭﺍﻟﻠﻰ ﻳﺒﻴﻌﻚ ﻳﺎﻭﻃﻦ
ﻧﻔﺴﻪ ﻳﺒﻴﻊ
ﻭﺍﻟﻠﻰ ﻳﺨﻮﻧﻚ ﻳﺎﻭﻃﻦ
ﺟﺮﻣﻪ ﺷﻨﻴﻊ
ﻭﺍﻥ ﺗﻬﺖ ﻳﻮﻡ ﻣﻦ ﺧﻄﻮﺗﻪ
ﺗﻠﻘﺎﻩ ﻳﻀﻴﻊ
\\\\\\\\
ﻳﺎﻟﻠﻰ ﺍﻧﺖ ﻗﺎﻳﻢ
ﺗﺒﺘﻐﻰ ﻣﻌﻨﻰ ﺍﻟﺤﻴﺎﺓ
ﻛﻠﻤﺔ ﻭﻃﻦ ...
ﻫﻰ ﺍﻟﺤﻴﺎﺓ
ﺣﺐ ﺍﻟﻮﻃﻦ ...
ﺑﺎﺏ ﺍﻻﻟﻪ
ﻗﻠﺐ ﻛﺘﺎﺑﻪ ﺗﻠﺘﻘﻰ
ﻣﺼﺮ ﺍﻟﻨﺠﺎﻩ
ﻭﺍﻧﺖ ﺍﺳﻤﻚ ﻳﺎﻭﻃﻦ
ﺍﻋﻴﺎ ﺍﻟﻨﺤﺎﺓ
ﻣﺮﻓﻮﻋﺔ ﺩﺍﻳﻤﺎ ﻟﻠﻌﻼ
ﻧﻬﺮ ﻭﻓﻼﺓ
ﻉ ﺍﻟﺠﺒﻞ ﻣﻮﺳﻰ ﺍﻟﻜﻠﻴﻢ
ﻧﺎﺟﻰ ﺍﻻﻟﻪ
ﻭﺍﻟﻨﻴﻞ ﺑﺴﺪﺭﺓ ﻣﻨﺘﻬﻰ
. ﻧﺒﻊ ﺍﻟﺤﻴﺎﺓ
\\\\\\\\\
ﻋﺮﻓﺖ ﻟﻴﻪ ﺍﻟﻤﺪﺭﺳﺔ
ﻛﻞ ﻳﻮﻡ ﺗﻌﻤﻞ ﻃﺎﺑﻮﺭ
ﻋﺮﻓﺖ ﻟﻴﻪ ﻓﻮﻗﻨﺎ
ﻋﻠﻢ ﻳﺴﻄﻊ ﺑﻨﻮﺭ
ﻋﺮﻓﺖ ﻟﻴﻪ ﻭﻗﺖ ﺍﻟﺼﺒﺎﺡ
ﻣﻠﻴﺎﻥ ﺳﺮﻭﺭ
ﻋﻠﺸﺎﻥ ﺑﻨﺴﻤﻊ ﺍﺳﻤﻬﺎ
ﻭﻧﻨﺴﻰ ﺍﻟﺸﺮﻭﺭ
ﻭﺳﻌﺘﻬﺎ ﺗﻌﺮﻑ ﻳﻌﻨﻰ ﺍﻳﻪ
ﻛﻠﻤﺔ ﺑﻜﻮﺭ
ﻳﻌﻨﻰ ﻣﺼﺮ ﺍﻟﺒﻜﺮ ﺩﺍﻳﻤﺎ
ﻣﻬﺮﻫﺎ ﺍﻏﻠﻰ ﺍﻟﻤﻬﻮﺭ
ﻳﻌﻨﻰ ﺩﻣﻚ ﻻﺟﻠﻬﺎ
ﻳﺠﺮﻯ ﺑﺤﻮﺭ
ﻳﻌﻨﻰ ﺑﺴﻤﺔ ﻭﺷﻬﺎ
ﺑﺘﻔﻴﺾ ﺳﺮﻭﺭ
ﻳﻌﻨﻰ ﻣﻴﻢ ﺍﻟﻤﺠﺪ ﻓﻴﻬﺎ
ﻟﻪ ﺩﻫﻮﺭ
ﻳﻌﻨﻰ ﺹ ﺍﻟﺼﺒﺮ ﻓﺎﻳﺾ
ﻓﻰ ﺍﻟﺒﺤﻮﺭ ﻭﻉ ﺍﻟﺒﺮﻭﺭ
ﺣﺮﻑ ﺭﺍﺀ ﻳﻌﻨﻰ
ﺭﺿﺎ ﺭﺑﻰ ﺍﻟﻐﻔﻮﺭ
\\\\\\\\\\\\\\
ﻋﻠﻤﻮﻧﺎ ﻓﻰ ﺍﻟﻤﺪﺍﺭﺱ
.ﻳﻌﻨﻰ ﺍﻳﻪ ﻛﻠﻤﺔ ﻭﻃﻦ
ﻟﻤﺎﺗﺒﻌﺪ ﻋﻨﻬﺎ
. ﻗﻠﺒﻚ ﻳﺌﻦ
ﻳﻌﻨﻰ ﻣﺼﺮ ﻝ ﺣﻀﻨﻬﺎ
ﻗﻠﺒﻚ ﻳﺤﻦ
ﻟﻤﺎ ﺗﺴﻤﻊ ﺻﺮﺧﻬﺎ
ﺍﻭﻋﺎﻙ ﺗﻜﻦ
ﻟﻤﺎ ﺗﺴﻜﻦ ﺍﺭﺿﻬﺎ
ﻛﻦ ﻣﻄﻤﺌﻦ
ﻋﺮﻓﺖ ﺍﻳﻪ ﻳﻌﻨﻰ ﻭﻃﻦ ؟
ﻋﺮﻓﺖ ﺍﻳﻪ ﻫﻮ ﺍﻟﺜﻤﻦ ؟
ﻋﻠﻤﻮﻧﺎ ﻓﻰ ﺍﻟﻤﺪﺍﺭﺱ
ﺍﺯﺍﻯ ﻧﺤﺐ ﺭﺑﻨﺎ
ﺍﺯﺍﻯ ﻧﺤﺐ ﺍﺭﺿﻨﺎ
ﺍﺯﺍﻯ ﻧﺤﺐ ﺍﺭﺿﻨﺎ
....................