" ﻳﻮﻡ ﺍﻟﺤﺴﺎﺏ... بقلم الشاعر خالد عبد الجبار الفرج- مجلة نجوم الأدب والشعر

ﻳﭽﻲ ﺑﺎﭼﺮ ﺍﻟﺤﺴﺎﺏْ
ﻭﻧﺘﺤﺎﺳﺐْ ﻋﻠﻰ ﺍﻟﻤﻮﺍﮔﻒْ
ﺍﻟﻮﻃﻦْ ﺩﻳﻮﺍﻥْ ﺍﻟﺰﻟﻢْ
ﻟﻠﻌﻔﻮﻧﻪ ﻣّﻮ ﻣﻀﺎﻳﻒْ
ﻟﻮ ﺭﺍﺡْ ﺍﻟﻮﻃﻦْ
ﺗﻨﺎﺑﮓْ ﺍﻟﻜﺮﺍﻣﺔ ﻣﻮ ﻋﺎﺭﻑْ
***
ﺗﺪﺭﻱ ﺍﻟﻲ ﻳﺨﺴﺮْ ﻭﻃﻦْ
ﻳﻈﻞْ ﻋﻨﺪﻩ ﺷﻨﻮ ﺍﻟﻈﺮﺍﻳﻒْ
ﺍﻟﻴﮕﺒﻞْ ﺍﻟﺬﻟّﻪ ﺻﺪﮒ
ﺟﺒﺎﻥْ ﻣﻦ ﺍﻟﺰﻟﻢْ ﭼﺎﻳﻒْ
ﺷﻨﻔﻊْ ﺃﻧﺴﺎﻥْ ﺑﻼ ﻭﻃﻦْ
ﻳﻈﻞْ ﺫﻟﻴﻞْ ﻭﺧﺎﻳﻒْ
***
ﮔﺒﻞْ ﻣﺮﺓ ﺩﺭﻭﺱْ
ﻟﻐﻴﺮﻙْ ﺃﻧﺖْ ﻣﻮ ﺷﺎﻳﻒْ
ﺍﻟﻮﻃﻦْ ﻳﺎ ﺍﺑﻨﻲ ﻣﺎ ﻫﻮ ﻣﺰﺭﻋﺔ
ﻃﺎﻏﻮﺕْ ﺃَﺭﻋﻦْ ﻫﺎﻳﻒْ
ﻣﺎ ﻫﻮ ﻟﻠﺒﺎﮒ ﺍﻟﺬﻣﻢْ
ﺍﻟﺸﺮﻑ ﻭﺍﻟﻜﺮﺍﻣﺔ ﻋﺎﻳﻒْ
***
ﺍﻟﻮﻃﻦْ ﮔﺪﺍﺳﻪ ﻭﺃَﻣﺎﻧﻪ
ﻋﻠﻰ ﺭﺅﻭﺱْ ﺍﻟﺸﻔﺎﻳﻒْ
ﻣﺎ ﻫﻮ ﺭﺑﺢْ ﻭﺗﺠﺎﺭﻩ
ﻭﻟﮕﻤﺔ ﺍﻟﺸﻌﺐْ ﺣﺎﻳﻒْ
***
ﻻ ﻭﺭﺛﻪ ﺇﻟﻚ ﺟﺪﻙْ
ﻭﻟﺨﻴﺮﻩ ﺑﺎﻳﮕﻚ ﻭﺻﺎﺭﻑْ
ﺗﺮﻯ ﺗﺮﺍﺏْ ﺍﻟﻮﻃﻦْ ﻣﮕﺪﺱْ
ﻣﻦ ﺃﻭﻟﻰ ﻟﻄﺎﺭﻑ