زمن غريب ... بقلم الشاعر عادل جمعة - مجلة نجوم الأدب والشعر

غريب بجد اللى احنا فيه
زمن يموت الحب فيه
الاخلاص بقا عمله نادره
والاحساس راحت عليه
كل حاجه حلوه ماتت
والقلوب بالحزن باتت
والوشوش ملامحها زايفه
حتى الضحكه الصافيه راحت
ااه يازمن فيك العبر
ولسه ياما هانشوف
بقا كل شئ مالوش ثمن
والغدر بقا مكشوف
والعيبه صبحت وسطنا
شئ عادى مش موصوف
حاسين بغربه فى وسط ناسناواهلنا
مبقاش فى للمه تضمنا
الكل تايه بس ليه
هو جرى فى الدنيا ايه
هى الحياه بس الفلوس
ملعون ابوها دى اكبر كابوس
كابوس وفرق شملنا
زرع القساوه فى قلبنا
وكانه داء وملوش دوا
وسط الحياه عايشين وبس
لاكن. بكسرت قلبنا
لاكن .بكسرت قلبنا