ﺍﻟﻰ " ﺍﺑﻦ ﺍﻟﻌﺮﺏ ... بقلم الشاعر المصري ضياء الأدريسي - مجلة نجوم الأدب والشعر

ﺑﺰﻋﻞ ﺍﻭﻱ ﻟﻤﺎ ﺍﻓﺘﻜﺮ
ﺍﻥ ﺍﻟﺴﻜﻮﺕ = ﺍﻛﺒﺮ ﺧﻄﺮ
ﺍﻥ ﺍﻟﺨﻴﺎﻧﻪ ﺑﺘﺘﻐﻔﺮ
ﻭﺍﻟﺤﺪ ﻣﻮﺕ
ﺍﺻﺒﺢ ﻋﻘﺎﺏ ﺍﻟﻜﻠﻤﻪ ﻧﺎﺭ
ﺍﺻﺒﺢ ﺷﻌﺎﺭ
ﺍﻟﺨﻮﻑ ﺳﻼﻡ
ﻣﻦ ﻏﻴﺮ ﺍﺩﻟﺔ ﺍﻹﺗﻬﺎﻡ
ﺍﻟﺴﺤﺮ ﻭﺍﺻﻞ ﻟﻠﺒﻴﻮﺕ
ﻳﻮﻧﺲ ﻓﻰ ﺣﻮﺕ
ﺍﻟﺬﻧﺐ ﻭﺍﻟﺴﺒﺖ ﻭﻗﺮﻭﺩ
ﺍﻣﺎ ﺍﻟﺮﺩﻭﺩ
ﺍﻟﺼﻤﺖ ﻋﻢ
ﻟﻤﺎ ﺍﻟﻨﻀﺎﻝ ﺍﺻﺒﺢ ﻣﻬﻢ
ﺍﻟﺪﻡ ﺩﻡ
ﻭﻫﻢ ﻏﻢ
ﻭﺯﺍﺩ ﻛﻤﺎﻥ ﺍﻟﺮﺍﻥ ﻭﺣﺎﻥ
ﻣﻮﻋﺪ ﺍﺫﺍﻥ ﺷﻴﻄﺎﻥ ﻫﻤﺎﻥ
ﻓﺮﻋﻮﻥ ﺟﺒﺎﻥ
ﻭﺍﻟﺠﺒﻦ ﻓﻰ ﺍﻟﺮﺍﺟﻞ ﻣﺮﺽ
ﻓﻠﻨﻔﺘﺮﺽ
ﺍﻟﺤﻖ ﻏﺎﺏ
ﺍﺯﺍﻱ ﻳﻤﻮﺕ !!!
ﺃﻳﻦ ﺍﻟﺸﻬﻮﺩ
ﻓﻴﻦ ﺍﻟﻌﺮﻭﺳﻪ ﻳﺎ ﻋﺮﻳﺲ
ﺟﺎﺗﻠﻚ ﺟﻤﺎﻟﻬﺎ ﻣﺎ ﻳﺘﻮﺻﻒ
ﺭﺟﻌﺖ ﻭﻟﻮﻧﻬﺎ ﺑﻴﺘﺨﻄﻒ
ﺷﺎﻓﺖ ﻋﺬﺍﺏ ﺷﺎﻓﺖ ﻗﺮﻑ
ﺭﻛﻌﺖ ﻓﻰ ﺩﺍﺭﻙ ﻟﻠﺨﺴﻴﺲ
ﺍﺑﻠﻴﺲ ﻛﻤﺎﻥ ﺍﻛﺒﺮ ﺟﺒﺎﻥ
ﻭﺍﻟﺪﺧﻠﺔ ﻛﺎﻧﺖ ﻳﻮﻡ ﺧﻤﻴﺲ
ﺍﻟﻀﺮﺏ ﻓﻰ ﺍﻟﻤﻴﺖ ﺣﺮﺍﻡ
ﺣﺘﻰ ﺍﻟﻜﻼﻡ ﺍﺻﺒﺢ ﺭﺧﻴﺺ
ﺍﺩﻡ ﺑﺬﺍﺕ ﻧﻔﺴﻪ ﻋﺼﺎ
ﻭﺍﻟﺸﻬﻮﺓ ﻓﻲ ﻃﺒﻊ ﺍﻟﺒﺸﺮ
ﺍﻟﺪﺭﺱ ﻣﺶ ﻓﻰ ﺍﻟﻤﺪﺭﺳﻪ
ﻃﻮﻝ ﺍﻟﻄﺮﻳﻖ ﺡ ﻧﺸﻮﻑ ﻋﺒﺮ
ﺡ ﻧﺸﻮﻑ ﻗﺎﺭﻭﻥ
ﻭﻫﺎﺭﻭﻥ ﺭﺷﻴﺪ
ﺡ ﻧﺸﻮﻑ ﺣﺮﻭﺏ ﺩﺍ ﻛﻼﻡ ﺃﻛﻴﺪ
ﺑﻴﻦ ﺍﻟﺘﺴﻴﺪ ﻭﺍﻟﻌﺒﻴﺪ
ﺑﻴﻦ ﺳﻮﺩ ﻭﺑﻴﺾ
ﺍﻟﺠﻬﻞ ﻣﻨﻬﺞ ﻟﻠﺒﻠﻴﺪ
ﺑﺰﻋﻞ ﻋﻠﻰ ﺣﺎﻝ ﺍﻟﺸﻬﻴﺪ
ﺍﻟﻨﺼﺮ ﺑﻴﻦ ﺩﻡ ﺍﻟﻮﺭﻳﺪ
ﻟﻜﻦ ﻣﺎﺯﻝ ﻫﻢ ﻑ # ﺣﻠﺐ
ﺑﺴﺄﻝ ﻭﻣﻴﻦ ﺍﻟﻤﺴﺘﻔﻴﺪ
ﻣﻦ ﻗﺘﻞ ﺃﻭﻻﺩ ﺍﻟﻌﺮﺏ
ﻟﻤﺎ ﺍﻟﺴﻜﻮﺕ ﺍﺻﺒﺢ ﺷﻌﺎﺭ
ﺡ ﻧﻄﻴﻊ ﻗﺮﺍﺭ ﺍﻟﻤﻐﺘﺼﺐ
ﺑﺰﻋﻞ ﺍﻭﻭﻭﻱ ﻟﻤﺎ ﺍﻓﺘﻜﺮ