ﺍﻟﻐﺮﺑﺔ ﻃﺎﻟﺖ ﻭﺍﻟﻘﻠﻖ ... بقلم الشاعر ﻣﺤﻤﺪ ﻋﺒﺪ ﺍﻟﻌﻠﻴﻢ- مجلة نجوم الأدب والشعر

ﺍﻟﻐﺮﺑﺔ ﻃﺎﻟﺖ ﻭﺍﻟﻘﻠﻖ ....
ﺑﺎﻳﻦ ﻓﻰ ﺳﻄﻮﺭ ﺍﻟﻮﺭﻕ ...
ﻭﻛﻞ ﻛﻠﻤﺔ ﺗﺘﻜﺘﺐ ﺗﺘﺸﻄﺐ ..
ﺑﺎﻟﺪﻡ ﻭﺍﻟﺪﻣﻮﻉ ﻭﺍﻟﻌﺮﻕ .....
ﻭﺍﻟﺤﺮﻭﻑ ﺗﻔﺘﺮﻕ ....
ﻭﺍﻟﻌﻤﺮ ﺍﻟﻠﻰ ﺍﺗﺴﺮﻕ ....
ﻣﻦ ﻏﻴﺮ ﺗﻤﻦ ...
ﻏﻴﺮ ﻣﺠﺮﺩ ﻭﺭﻕ .....
ﻭﺍﻟﻮﺭﻕ ﻳﺘﺤﺮﻕ ....
ﻭﻳﺼﺒﺢ ﻋﺪﻡ ....
ﻭﺗﻴﺠﻰ ﻟﺤﻈﻪ ﻡ ﺍﻟﻌﺪﻡ ...
ﺷﻬﺎﺩﺓ ﻣﻴﻼﺩ ﺗﺘﻜﺘﺐ ...
ﻭﺗﺒﻘﻰ ﻣﺠﺮﺩ ﺭﻗﻢ ....
ﻭﺳﺎﻋﺎﺕ ﺗﺠﺮﻱ ﻭﺗﺘﺤﺴﺐ..
ﻭﺗﻌﻴﺶ ﻭﻳﻘﻮﻟﻮﺍ ﻛﺴﺐ ...
ﻭﺍﻛﺘﺴﺐ ﺛﺮﻭﺓ ﻛﺒﻴﺮﺓ ﻡ ﺍﻷﻟﻢ ....
ﻭﻗﺒﻞ ﺍﻟﺮﺣﻴﻞ ﻭﺍﻟﻌﻮﻳﻞ .....
ﻛﺘﻴﺮ ﻛﺘﻴﺮ ﺗﺸﺮﺏ ﻧﺪﻡ .....
ﻛﻞ ﺍﻟﺤﻜﺎﻳﺔ ﺍﻟﻄﻮﻳﻠﺔ ﻛﻞ ﻟﻴﻠﺔ ....
ﺍﻟﻌﻴﻠﺔ ﺍﻟﻜﺒﻴﺮﺓ ﺗﻘﻮﻝ ﺃﻣﺘﻰ ﻳﻨﻌﺪﻡ ...
ﻭﺗﻨﻌﺪﻡ ﻭﺗﺒﻘﻰ ﻋﺪﻡ ....
ﺯﻱ ﻣﺎﺟﻴﺖ ﻋﺮﻳﺎﻥ ﻣﺸﻴﺖ ....
ﻟﻜﻦ ﻣﻦ ﻏﻴﺮ ﻗﺪﻡ ...
ﻣﺘﺸﺎﻝ ﻋﻠﻰ ﺍﻛﺘﺎﻑ ... ﻧﻌﻢ ...
ﻻ ﻣﻨﺎﺻﺐ ﻭﻻ ﻣﻜﺎﺳﺐ ﻭﻻ ﺧﺪﻡ ...
ﻭﻓﻲ ﺃﻱ ﺟﻮﺭﺓ ... ﻣﺤﻔﻮﺭﺓ .. ﻣﻦ ﺯﻣﺎﻥ .....
ﺗﺘﻘﻔﻞ ﻛﻞ ﺍﻟﺒﻴﺒﺎﻥ .....
ﺗﺪﻓﻦ ﻭﻻ ﺷﻲﺀ ﻳﺒﺎﻥ ......
ﺗﺒﻘﻰ ﺻﻮﺭﻩ ... ﻟﻠﻰ ﻛﺎﻥ ..
ﻻ ﺣﺴﺐ ﻭﻻ ﻧﺴﺐ ...
ﺣﺴﺎﺏ ﻋﺴﻴﺮ ﻟﻠﻰ ﺍﻛﺘﺴﺐ ...
ﻣﻦ ﺍﻟﺤﺮﺍﻡ ﻭﺍﻛﺘﺴﺐ .... ﺣﺘﻰ ﻋﻘﻠﺔ ﻗﺼﺐ ...
ﻣﺎﻓﻴﺶ ﺭﺋﻴﺲ ﻭﻻ ﺯﻋﻴﻢ ﻭﻻ ﻣﻠﻚ ... ﺇﻻ ﻭﻫﻠﻚ ...
ﻭﺡ ﻳﺘﻬﻠﻚ .. ﻣﻬﻤﺎ ﺍﻣﺘﻠﻚ .....
ﻭﺍﻟﻠﻰ ﺟﺎﻱ ﻳﻜﺮﺭ .. ﺳﻜﺔ ﺍﻹﻧﺴﺎﻥ ...
ﺍﻟﻠﻰ ﺟﺎﻱ ﺑﻜﺮﻩ ﻣﺎﺷﻲ ... ﻟﻠﺤﺴﺎﺏ ...
ﻭﻳﻐﻴﺐ ﺯﻱ ﻏﻴﺮﻩ ... ﻳﻮﻡ ﻣﺎ ﻏﺎﺏ ...
ﺑﺼﻮﺍ ﺷﻮﻓﻮﺍ ... ﻭﺍﺗﻌﻠﻤﻮﺍ ﻡ ﺍﻟﻐﺮﺍﺏ