ﻣﺠﺎﺩﻟﺔ
ﺳﺄﻟﺖ ﺍﻟﺤﻠﻢ ﺍﻣﺘﻲ ﺗﺘﺤﻘﻖ
ﻗﺎﻟﻠﻲ ﻟﻤﺎ ﺗﺸﻮﻑ ﻗﻔﺎﻙ
..
ﻗﻠﺘﻠﻪ ﺳﻨﻴﻦ ﻭﺃﻧﺎ ﻣﺴﺘﻨﻲ
ﻗﺎﻟﻠﻲ ﺍﺳﺘﻨﻲ ﻫﻨﺎ ﻭﻫﻨﺎﻙ
...
ﻻ ﻳﻮﻡ ﻫﺘﺸﻮﻓﻨﻲ ﺟﺎﻳﻠﻚ
ﻭﻻ ﻳﻮﻡ ﻫﺘﻠﻘﺎﻧﻲ ﻣﻌﺎﻙ
....
ﻗﻠﺘﻠﻪ ﺑﺎﻷﻣﻞ ﻫﺎﺳﺘﻨﻲ
ﻗﺎﻟﻠﻲ ﺃﻣﻞ ﻗﺎﻟﺖ ﻧﺴﻴﺎﻙ
...
ﺃﻧﺎ ﻓﻲ ﺍﻟﺤﻘﻴﻘﺔ ﻣﺶ ﻟﻴﻚ
ﻑ ﻣﻨﺎﻣﻚ ﺑﺲ ﻫﺄﻛﻮﻥ ﻭﻳﺎﻙ
...
ﻭﺍﻭﻋﻲ ﻳﻮﻡ ﺗﺘﻌﺸﻢ ﻓﻴﺎ
ﺃﻧﺎ ﺑﻌﻴﺪ ﺑﻌﺪ ﺃﺭﺿﻚ ﻋﻦ ﺳﻤﺎﻙ
..
ﻣﻦ ﻣﻴﻼﺩﻙ ﻟﺤﺪ ﻣﻤﺎﺗﻚ
ﻫﺄﻓﻀﻞ ﻫﻨﺎ ﻭﺍﻧﺖ ﻫﻨﺎﻙ
...
ﺻﻌﺐ ﺍﻟﺒﻌﻴﺪ ﻣﻨﻚ ﻳﻘﺮﺏ
ﺻﻌﺐ ﺍﻟﺨﻴﺎﻝ ﻳﻮﻡ ﻳﻠﻘﺎﻙ
...
ﻛﻔﺎﻳﺔ ﻋﻠﻴﻚ ﺗﺘﻤﻨﻲ ﻭﺗﺴﺘﻨﻲ
ﻭﻛﻔﺎﻳﺔ ﻑ ﻣﻨﺎﻣﻚ ﺑﺄﻟﻘﺎﻙ
...
ﺁﺧﺮ ﻧﺼﻴﺤﺔ ﺧﺪﻫﺎ ﻣﻨﻲ
ﺻﻌﺐ ﻋﻴﻨﻚ ﺗﺸﻮﻑ ﻗﻔﺎﻙ
....
ﻭﻳﻮﻡ ﺍﻟﺰﻣﻦ ﻣﺎ ﻳﻀﺤﻜﻠﻚ
ﻫﻴﻜﻮﻥ ﻭﺍﺧﺪﻙ ﻵﺧﺮ ﻣﺜﻮﺍﻙ
....
ﻋﻠﻴﻚ ﺃﻟﻒ ﺭﺣﻤﺔ ﻳﺎﺃﻳﻤﻦ
ﻛﻨﺖ ﻃﻴﺐ ﺑﺲ ﺍﻟﺪﻧﻴﺎ ﻧﺴﻴﺎﻙ
موضوع: ﻣﺠﺎﺩﻟﺔ.. بقلم الشاعر المصري أيمن بلال- مجلة نجوم الأدب والشعر 
الثلاثاء ديسمبر 01, 2015 4:02 pm
