أريد أفتهمْ " بقلم/خالد عبد الجبار الفرج

عدد المساهمات : 327 تاريخ التسجيل : 24/09/2015

أريد أفتهمْ "

***

گالوا بطلْ حزنْ
خليكْ بالأملْ مبتسمْ
گلتْ شلونْ أضحكْ
يا ناسْ الوطنْ مهدومْ
يا ترى شنفعْ الجسدْ
روحْ تفارگْ الجسمْ
***
فهموني نفسي مرة
بس منكم أفتهم
تدري عارْ الوطنْ
عالجبينْ يندگْ وشمْ
همْ الوطنْ يا بشرْ
ثگلْ ما ظلْ عزمْ
***
بحشاي نار وجتْ
وخترگْ الجسمْ سهمْ
گولوا شلونْ أفرحْ
الوطنْ ألفْ گسمْ
الحارة چانتْ تلمْ
صرنا لچلابها نحتكمْ
***
بطلنا بالوطنْ نعرفْ
صديچ منهو ولا الخصمْ
ألفْ جلادْ نحاذرْ
جوعْ خوفْ ومنلچمْ
الواوي صفا مسؤولْ
السبعْ تايه منهزمْ
***
أمير أنت للأسف
حاچمك صغير وگزمْ
چلبْ المزابلْ صياحْ
شريف نطگْ الخشمْ
گولوا شلونْ أضحكْ
نارْ بوطننا تلتهمْ
***
أنا مهاجرْ صفيتْ
عنوانْ بلا كيانْ وأسمْ
لاجتْ الروحْ بينا
جاهلْ توا منفطمْ
شبعنا چذبْ وعدْ
زلمنا مو ذيچْ الزلمْ
***
شعر