نجلاء علي
عدد المساهمات : 327 تاريخ التسجيل : 24/09/2015
| موضوع: خردة ببلاش بقلم/ علاء الدين علي الخميس ديسمبر 10, 2015 12:41 pm | |
| خردة ببلاش ******* حجم الخسارة أد إيه يادوب نقول عمري اللي عدى و اللي جي مانا زي لون البحر أزرق لوني أنا رغم إن لونه من حنان حضن السما شفاف بيعكس شكلها تملاه مطر يهديها من قلبه البخار أما أنا ازرق من التخبيط ف سوء الحظ ليه بالضم في حبات النجوم عقد الضيا وبيطفي دايما فرحتي شئ من سواد جوة النفوس ونصيبي دايما م القمر حبة صخور نازلة تقطع قالحشا كدمات كتير ملهاش عدد قلبي بكي ورم المشاعر لونه فعملت لي حبة صدف علشان أخبي كل إحساس بالألم البحر فاض فيضانه هد الإحتمال صدفاتي باشت من ملوحة دمعتي قلت أنزوي ناحية السور البعيد مع وحدتي زادت معالم ضلمتي سور الهموم مافهوش مكان وكإن كل الخلق جنبه إتجمعوا رحت أمتهن فن النفاق ورسمت لوحة من سعادة مبهمة وقدرت أرسم للي شافها ميت طريق علمتهم معنى الفرح لكن نسيت إني في يوم أتعلمه وسابوني جنب السور حزين فعملت حسبة صغيرة وسألت نفسي خسرت إيه لقيت دروع الحرب دايما تنتهي بعد انتصار المعركة خردة ببلاش ******كلماتي / علاء الدين علي | |
|