ﺃﺑﻮ ﺃﻡ ﺍﻟﻨﺖ.. بقلم الشاعر المصري طه ابراهيم - مجلة نجوم الأدب والشعر

ﺣﺎﺟﻪ ﺗﺠﻨﻦ ﺣﺎﺟﻪ ﺗﺤﻴﺮ
ﺣﺎﺟﻪ ﺗﺨﻠﻲ ﺍﻟﻌﻘﻞ ﻳﺸﺖ
ﺇﻣﺴﻚ ﺃﻱ ﺻﺤﻴﻔﻪ ﺑﺈﻳﺪﻙ
ﺑﺺ ﻭﺩﻗﻖ ﻑ ﺍﻟﻤﻨﺸﻴﺖ
ﺃﻭﻝ ﺣﺎﺟﻪ ﺗﻘﻮﻟﻬﺎ ﺑﺴﺮﻋﻪ
ﻳﺨﺮﺏ ﺑﻴﺖ ﺃﺑﻮ ﺃﻡ ﺍﻟﻨﺖ
ﺣﺎﺟﻪ ﻏﺮﻳﺒﻪ ﺣﺎﺟﻪ ﻋﺠﻴﺒﻪ
ﻓﻴﻬﺎ ﺍﻟﺪﻫﺸﻪ ﻭﻓﻴﻬﺎ ﺍﻟﺮﻳﺒﻪ
ﺍﻟﻠﻲ ﻣﺼﻤﻢ ﻳﻤﺸﻲ ﺑﺪﻫﺮﻩ
ﻭﺍﻟﻠﻲ ﻣﺸﺮﻑ ﻑ ﺍﻟﺘﺨﺸﺒﻪ
ﻭﺍﻟﻠﻲ ﻣﻌﺎﺭﺽ ﺃﻱ ﺣﻠﻮﻝ
ﻋﺪﻱ ﺳﻨﻴﻦ ﻭﻻ ﺭﺍﺿﻲ ﻳﺒﺖ
ﺣﺎﺟﻪ ﺗﺨﻠﻲ ﺍﻟﻌﻘﻞ ﻳﺸﺖ
ﻳﺨﺮﺏ ﺑﻴﺖ ﺃﺑﻮ ﺃﻡ ﺍﻟﻨﺖ
ﻣﻤﻜﻦ ﻭﺍﺣﺪﻩ ﻭﺯﻱ ﺍﻟﺮﺍﺟﻞ
ﻭﻣﻤﻜﻦ ﺭﺍﺟﻞ ﻳﻌﻤﻞ ﺳﺖ
ﺣﺎﺟﻪ ﺗﺨﻠﻲ ﺍﻟﻌﻘﻞ ﻳﺸﺖ
ﻳﺨﺮﺏ ﺑﻴﺖ ﺃﺑﻮ ﺃﻡ ﺍﻟﻨﺖ
ﺇﻭﻋﻲ ﺍﻟﻨﺖ ﻫﻴﺎﻛﻞ ﻋﻘﻠﻚ
ﻳﺎﻟﻠﻲ ﺃﺫﻳﺖ ﺍﻟﺪﻧﻴﺎ ﺑﺠﻬﻠﻚ
ﻛﻞ ﺷﻮﻳﻪ ﺗﻜﻠﻢ ﺑﻨﺖ
ﻓﺎﻛﺮ ﻧﻔﺴﻪ ﺍﻟﻮﺍﺩ ﺍﻟﻔﺖ
ﺣﺎﺟﻪ ﺗﺨﻠﻲ ﺍﻟﻌﻘﻞ ﻳﺸﺖ
ﻳﺨﺮﺏ ﺑﻴﺖ ﺃﺑﻮ ﺃﻡ ﺍﻟﻨﺖ
ﻗﺎﻋﺪ ﻟﻴﻞ ﻭﻧﻬﺎﺭ ﺑﻴﻠﺖ
ﻳﺮﻏﻲ ﻭﻳﻌﺠﻦ ﺃﻱ ﻛﻼﻡ
ﻳﺴﻬﺮ ﻃﻮﻝ ﺍﻟﻠﻴﻞ ﻭﻳﻨﺎﻡ
ﻋﻤﺮﻩ ﻣﺎ ﻓﻜﺮ ﻳﻮﻡ ﻗﺪﺍﻡ
ﻗﻮﻟﻪ ﺍﻟﻜﻠﻴﻮ ﺍﻟﺒﺎﻣﻴﻪ ﺑﻜﺎﻡ
ﻗﻮﻟﻪ ﺩﺍ ﺭﺍﺟﻞ ﻭﻻ ﻣﺪﺍﻡ
ﻗﻮﻟﻪ ﺍﻟﻔﺮﺧﻪ ﺑﻨﺖ ﺍﻟﺒﻄﻪ
ﻭﺇﻥ ﺍﻟﺒﻘﺮﻩ ﺍﺑﻮﻫﺎ ﺣﻤﺎﻡ
ﻛﻞ ﺑﻨﺎﺕ ﺍﻟﻔﻴﺲ ﻋﺮﻓﻴﻨﻚ
ﺇﻧﻚ ﻓﺎﺿﻲ ﻭﻋﻘﻠﻚ ﺧﺎﻡ
ﺣﺘﻲ ﺍﻟﻐﻴﻂ ﻫﻤﻠﺘﻪ ﺑﺈﻳﺪﻙ
ﻟﻤﺎ ﺍﻟﺪﻳﺐ ﺃﻛﻞ ﺍﻷﻏﻨﺎﻡ
ﻗﻠﻲ ﻳﺎ ﻧﺎﺻﺢ ﺇﻳﻪ ﻫﻴﻔﻴﺪﻙ
ﺑﻌﺪ ﺍﻟﺒﻠﻮﻱ ﻫﺘﻄﻠﺐ ﻛﺎﻡ
ﻓﻮﻕ ﻳﺎ ﻣﺪﻫﻮﻝ ﻗﺒﻞ ﺍﻟﻜﺎﺭﺛﻪ
ﺇﻭﻋﻲ ﺗﺴﻠﻢ ﻟﻸﻭﻫﺎﻡ
ﺇﻭﻋﻲ ﺗﺰﻳﺪ ﻭﺗﻌﻴﺪ ﻭﺗﻠﺖ
ﺣﺎﺟﻪ ﺗﺨﻠﻲ ﺍﻟﻌﻘﻞ ﻳﺸﺖ
ﻳﺨﺮﺏ ﺑﻴﺖ ﺃﺑﻮ ﺃﻡ ﺍﻟﻨﺖ
ﻋﺎﻳﺰ ﻳﻌﻤﻞ ﺃﻱ ﻋﻼﻗﻪ
ﺗﻄﻠﻊ ﻫﺎﻧﻢ ﻭﻻ ﻣﺪﺍﻡ
ﺗﻄﻠﻊ ﺯﻱ ﻣﺎ ﺗﻄﻠﻊ ﻋﻨﺪﻩ
ﻳﻤﻜﻦ ﺗﻄﻠﻊ ﻛﻮﻡ ﺃﻟﻐﺎﻡ
ﺗﺒﻘﻲ ﺳﺎﻋﺘﻬﺎ ﻓﻀﻴﺤﻪ ﻛﺒﻴﺮﻩ
ﻭﻣﻤﻜﻦ ﺗﻈﻬﺮ ﻑ ﺍﻻﻋﻼﻡ
ﻣﻴﻦ ﻫﻴﺮﻭﺡ ﻟﻜﺒﻴﺮﻩ ﺍﻟﻌﻴﻠﻪ
ﻭﻣﻴﻦ ﻫﻴﺼﺪﻕ ﻉ ﺍﻻﺣﻜﺎﻡ
ﻭﻻ ﻣﺮﺍﺗﻪ ﻫﺘﺨﺮﺏ ﺑﻴﺘﻪ
ﻣﻬﻤﺎ ﻳﺒﻠﺒﻊ ﻑ ﺍﻟﺒﺮﺷﺎﻡ
ﻣﻬﻤﺎ ﻳﺤﺎﻭﻝ ﻳﺜﺒﺖ ﻟﻴﻬﺎ
ﺇﻧﻪ ﺃﺗﻐﻴﺮ ﻉ ﺍﻻﻳﺎﻡ
ﺑﺮﺩﻭ ﻫﻴﻔﻀﻞ ﺧﺎﻳﻦ ﻟﻴﻬﺎ
ﻣﻬﻤﺎ ﻳﺮﻭﺝ ﺃﻱ ﻛﻼﻡ
ﻗﻮﻟﻲ ﻳﺎ ﺳﺒﻊ ﺍﻟﻠﻴﻞ ﻳﻐﺪﻧﻔﺮ
ﺑﻌﺪ ﺩﻩ ﻛﻠﻪ ﺗﻄﻠﻌﺖ ﺑﻜﺎﻡ
ﻭﻻ ﺍﻟﺴﺖ ﺍﻟﺨﺎﻳﻨﻪ ﻟﺠﻮﺯﻫﺎ
ﺣﻂ ﻭﻻﺩﻫﺎ ﻑ ﺩﺍﺭ ﺃﻳﺘﺎﻡ
ﻛﻞ ﺷﻮﻳﻪ ﻳﺮﻭﺡ ﻭﻳﻄﺎﻟﺐ
ﻧﻔﺴﻪ ﻳﺸﻮﻑ ﻓﻴﻬﺎ ﺍﻹﻋﺪﺍﻡ
ﻫﻮ ﺩﺍ ﺣﺎﻝ ﺍﻟﺠﻴﻞ ﺍﻟﺨﺎﻳﺐ
ﺟﻴﻞ ﺍﻟﻔﻮﺿﻲ ﻭﺟﻴﻞ ﺍﻟﻨﺖ
ﺣﺎﺟﻪ ﺗﺠﻨﻦ ﺣﺎﺟﻪ ﺗﺤﻴﺮ
ﺣﺎﺟﻪ ﺗﺨﻠﻲ ﺍﻟﻌﻘﻞ ﻳﺸﺖ
ﻳﺨﺮﺏ ﺑﻴﺖ ﺃﺑﻮ ﺃﻡ ﺍﻟﻨﺖ