ﻋﺬﺍﺏ ﻳﻤﻮﺕ.. بقلم الشاعر المصري لطيف نصيف- مجلة نجوم الأدب والشعر

ﻟﻤﺎ ﺗﻜﻮﻥ ﻋﺎﻳﺰ
ﺗﻘﻮﻝ ﻛﻼﻡ ﻭﻣﺎﺗﻘﻮﻟﻬﻮﺵ
ﻟﻤﺎ ﺍﻟﺴﻜﻮﺕ ﻳﻌﺬﺑﻚ
ﻭﻋﻠﻰ ﺻﺪﺭﻙ ﻳﺪﻭﺱ
ﺣﺘﻰ ﺍﻟﻨﻔﺲ
ﻣﺎﺗﺘﻨﻔﺴﻬﻮﺵ
ﺍﻧﺎ ﺍﻟﻠﻰ ﻛﻨﺖ
ﺑﻘﻮﻝ ﻛﻞ ﺣﺎﺟﻪ
ﻛﺎﻥ ﻛﻼﻣﻰ ﻳﺘﻄﻠﺐ
ﻋﻠﺸﺎﻥ ﻛﺎﻥ ﻟﻰ ﻋﺎﺯﻩ
ﺍﻧﺎ ﺍﻟﻠﻰ ﺻﺎﺣﺐ ﺍﻟﺤﺎﺟﻪ
ﻣﻤﻨﻮﻉ ﻣﻦ ﺍﻟﻜﻼﻡ
ﻋﻠﺸﺎﻥ ﻏﻴﺮﻯ ﺑﻴﺘﻜﻠﻢ
ﻓﺸﺒﻌﻮ ﻣﻦ ﺍﻟﻜﻼﻡ
ﻛﻼﻣﻰ ﺑﻘﺎ ﻭﺍﺟﺐ
ﻋﻠﺸﺎﻥ ﺍﻟﻌﺸﺮﻩ
ﻭﺍﻟﻌﻴﺶ ﻭﺍﻟﻤﻠﺢ
ﺑﺲ ﺍﻟﺴﻜﺎﺕ
ﻋﻠﻴﺎ ﻃﻔﺢ
ﺑﺎﻥ ﻋﻠﻰ ﺷﻜﻠﻰ
ﻭﺷﻜﻠﻰ ﺍﺗﻔﻀﺢ
ﺑﻘﻴﺖ ﺷﺎﺭﺩ ﻭﺣﺰﻳﻦ
ﻭﻗﺎﺗﻠﻨﻰ ﺍﻟﺤﻨﻴﻦ
ﻭﺍﻟﻌﻴﻮﻥ
ﻋﻠﻰ ﻃﻮﻝ ﻣﺪﻣﻌﻴﻦ
ﺍﻩ ﻣﻦ ﻋﺬﺍﺏ ﺍﻟﺤﻨﻴﻦ
ﻭﺷﻮﻕ ﺍﻟﻌﺎﺷﻘﻴﻦ
ﺍﺻﻞ ﻛﻨﺎ ﻣﺘﻌﻮﺩﻳﻦ
ﻧﺤﻜﻰ ﻣﻊ ﺑﻌﺾ
ﺑﺎﻟﺴﺎﻋﺎﺕ
ﻧﻘﻮﻝ ﻛﻼﻡ ﺣﺐ ﻭﻏﺮﺍﻡ
ﻛﻼﻡ ﻳﺮﻳﺢ ﺍﻟﻘﻠﺐ
ﻭﻳﻄﻔﻰ ﻧﺎﺭ ﺍﻟﺸﻮﻕ
ﺩﻟﻮﻗﺘﻰ ﻫﻰ ﻟﺤﻈﻪ
ﻭﺑﺴﺮﻋﻪ ﺗﻔﻮﺕ
ﻭﺑﻌﺪ ﻣﺎ ﺍﺳﻤﻊ ﺍﻟﺼﻮﺕ
ﺑﻤﻮﺕ
ﺑﻤﻮﺕ ﻣﻦ ﻋﺬﺍﺏ ﺍﻟﺴﻜﻮﺕ
ﻛﻨﺖ ﻋﺎﻳﺰ ﺍﻗﻮﻝ
ﻛﻼﻡ ﻛﺘﻴﺮ
ﻛﻼﻡ ﻣﻦ ﻗﻠﺒﻰ
ﻭﺷﺎﻏﻞ ﺍﻟﺘﻔﻜﻴﺮ
ﻭﺗﻌﺪﻯ ﺍﻟﻠﺤﻈﻪ
ﻭﺍﻟﻜﻼﻡ ﺟﻮﺍﻳﻪ ﻣﺤﺒﻮﺱ
ﺑﻴﺪﻭﺱ ﻋﻠﻰ ﺻﺪﺭﻯ
ﻭﺑﻴﻜﺘﻢ ﻧﻔﺴﻰ
ﻋﻠﺸﺎﻥ ﺩﺍ ﻛﻼﻡ
ﻗﻠﺒﻰ
ﻣﺴﺘﺤﻴﻞ ﺍﻗﻮﻟﻪ
ﻟﻐﻴﺮﻙ
ﻋﻠﺸﺎﻥ ﻫﻮ ﻟﻴﻜﻰ
ﻣﺶ ﻟﻐﻴﺮﻙ
ﻭﺍﺩﻳﻨﻰ ﺑﺘﻌﺬﺏ
ﺑﺎﻟﺴﻜﺎﺕ
ﻋﺬﺍﺏ ﻳﻤﻮﺕ
ﻗﺒﻞ ﺍﻟﻤﻤﺎﺕ
ﻋﻠﺸﺎﻥ ﻣﻮﺗﻰ ﺍﻧﺎ
ﻣﺶ ﻃﻠﻮﻉ ﺍﻟﺮﻭﺡ
ﻣﻮﺗﻰ ﺍﻧﺎ ﺑﺎﻟﺴﻜﺎﺕ