افتكرينى ----من كلماتى انشاء الله تعجبكم
--------
افتكرينى ----
لما تغيب الشمس فى دربك ...لما تحسى ان أنا مش جنبك
لما يسلم للشوق قلبك ...اما عنيكى تحن لعينى
لو بين حلم من الأحلام ...او يوم راحل م الأيام
لو جت سيرتى فى وسط كلام ...يهمس قلبك راح تلاقينى
ضحكة بتمسح فيكى دموعك ...همسة بتنده نبض رجوعك
والم رافض يفضل طوعك ...وحنان ساكن حضن حنينى
ليه من قلبى بقولها يوماتى ...ليه من عينى دموعها ليلاتى
اتنهد تخنقنى آهاتى ...مش عارف فين رايحة حياتى
من بعدك ......أنا مين...جاوبينى
بقلم الشاعر/ صبرى أبوطالب