ﺧﻴﺎﻝ ﺍﻟﻤﺂﺗﻪ.. بقلم الشاعر المصري طه إبراهيم - مجلة نجوم الأدب والشعر

ﺧﻴﺎﻝ ﺍﻟﻤﺂﺗﻪ
@@@@@
ﻳﺎ ﺃﻣّﻪ ﺿﻌﻴﻔﻪ ﻭﺻﻮﺗﻚ ﺿﻌﻴﻒ
ﻳﺎ ﺃﻣّﻪ ﺑﺘﺤﻠﻢ ﺗﻼﻗﻲ ﺍﻟﺮﻏﻴﻒ
ﻭﻟﺴﻪ ﻃﻤﻮﺣﻚ ﻣﺠﺮﺩ ﺧﻴﺎﻝ
ﻭﺯﻫﺮﻩ ﻳﺘﻴﻤﻪ ﻑ ﻗﻠﺐ ﺍﻟﺨﺮﻳﻒ
ﻫﻴﻔﻀﻞ ﻃﻤﻮﺣﻚ ﻑ ﻗﻠﺐ ﺍﻟﺮﻣﺎﻝ
ﻭﻳﻔﻀﻞ ﻋﺪﻭﻙ ﻑ ﻋﻴﻨﻚ ﺣﻠﻴﻒ
ﻭﺗﻨﺴﻲ ﻗﺴﻮﺗﻪ ﻭﺗﻨﺴﻲ ﻋﺪﺍﺀﻩ
ﻭﻳﻔﻀﻞ ﻑ ﻋﻴﻨﻚ ﻣﻮﺍﻃﻦ ﺷﺮﻳﻒ
ﻭﻳﺪﻫﺲ ﻋﻠﻴﻚ ﻭﻳﻨﻬﺶ ﻑ ﻟﺤﻤﻚ
ﻭﻳﻔﻀﻞ ﻑ ﻋﻴﻨﻚ ﻣﻬﺬﺏ ﻟﻄﻴﻒ
ﻳﺎ ﺃﻣّﻪ ﻏﺮﻳﺒﻪ ﻑ ﻛﻮﻛﺐ ﻏﺮﻳﺐ
ﻃﻤﻮﺣﻚ ﻳﺎ ﺃﻣّﻪ ﻫﻮﺍﺟﺲ ﻭﻃﻴﻒ
ﻹﻣﺘﻲ ﻃﻤﻮﺣﻚ ﻫﻴﻔﻀﻞ ﺧﻴﺎﻝ
ﻹﻣﺘﻲ ﺧﻴﺎﻝ ﺍﻟﻤﺂﺗﻪ ﺍﻟﻨﺤﻴﻒ
ﻣﻐﻤﻲ ﻋﻴﻨﻴﻚ ﻭﻗﺎﻓﻞ ﺩﻣﺎﻏﻚ
ﻭﻗﺎﻓﻞ ﻃﺮﻳﻘﻚ ﺑﺨﻨﺠﺮ ﻭﺳﻴﻒ
ﺇﻗﺒﻠﺘﻲ ﺗﻜﻮﻥ ﻣﺠﺮﺩ ﺿﺤﻴﻪ
ﻭﻋﻘﻠﻚ ﺑﻴﺮﺗﻊ ﻑ ﻭﺣﻠﻪ ﻭﺯﻳﻒ
ﻹﻣﺘﻲ ﺗﻬﻴﻨﻲ ﺑﺠﻬﻠﻚ ﺗﺎﺭﻳﺨﻚ
ﻳﺎ ﺃﻣّﻪ ﺟﺮﻳﺤﻪ ﻭﺟﺮﺣﻚ ﻣﺨﻴﻒ
ﻭﺩﻡ ﺍﻟﻐﻼﺑﻪ ﻑ ﻗﻠﺒﻚ ﻧﺰﻳﻒ
ﻣﻐﺮﻕ ﺗﺮﺍﺑﻚ ﻭﺃﺭﺽ ﺍﻟﺸﻮﺍﺭﻉ
ﻭﺻﺮﺧﺔ ﺣﺰﻳﻨﻪ ﻑ ﺣﻀﻦ ﺍﻟﺮﺻﻴﻒ
ﺗﻨﺎﺩﻱ ﻋﻠﻴﻜﻲ ﺑﺤﺮﻗﻪ ﻭﻣﺮﺍﺭﻩ
ﻭﻣﻴﻦ ﺍﻟﻠﻲ ﻳﺴﻤﻊ ﻧﺪﺍﺀ ﺍﻟﻀﻌﻴﻒ
ﻭﻳﻤﺴﺢ ﺑﺈﻳﺪﻩ ﺩﻣﻮﻉ ﺍﻟﻐﻼﺑﻪ
ﻭﻳﺒﻘﻲ ﻋﺼﺎﻳﻪ ﻑ ﺇﻳﺪ ﺍﻟﻜﻔﻴﻒ
ﻳﺎ ﺃﻣّﻪ ﻛﻔﺎﻳﻪ ﻣﻬﺎﻧﻪ ﻭﺿﻴﺎﻉ
ﻭﻛﻮﻧﻲ ﺍﻟﺤﺒﻴﺒﻪ ﻭﻛﻮﻧﻲ ﺍﻟﻮﻟﻴﻒ
ﻭﻛﻮﻧﻲ ﺍﻟﻠﻲ ﻳﻘﺪﺭ ﻳﺪﺍﻭﻱ ﺍﻟﺠﺮﺍﺡ
ﻭﺿﻤﻲ ﻭﻻﺩﻙ ﻑ ﻛﻮﻛﺐ ﻧﻀﻴﻒ