ﻋﺎﻳﺰﻩ ﺍﻳﻪ ﺗﺎﻧﻰ.. بقلم الشاعر لطيف نصيف - مجلة نجوم الأدب والشعر

ﻋﺎﻳﺰﻩ ﺍﻳﻪ ﺗﺎﻧﻰ
************
ﺧﻠﻰ ﻇﻠﻤﻚ ﻳﻬﺪﻯ
ﺍﻧﺎ ﻗﻠﺒﻰ ﻋﻠﻰ ﻛﺪﻯ
ﻋﺎﻳﺰﻩ ﺍﻳﻪ ﺗﺎﻧﻰ
ﻣﻦ ﻇﻠﻤﻚ ﺍﺗﻬﺮﻯ ﻛﺒﺪﻯ
...................
ﺍﻟﺤﺰﻥ ﺑﻘﻰ ﻓﺮﻳﻀﻪ
ﻭﺍﻻﻟﻮﺍﻥ ﻛﻠﻬﺎ ﺳﻮﺩﻩ
ﻋﺎﻳﺰﻩ ﺍﻳﻪ ﺗﺎﻧﻰ
ﺣﺒﺴﺘﻰ ﺣﺘﻰ ﺍﻟﺘﻨﻬﻴﺪﻩ
...................
ﻗﻔﻠﺘﻰ ﻓﻰ ﻭﺷﻰ ﺍﻟﺒﺎﺏ
ﻓﻰ ﻋﺰ ﺷﺒﺎﺑﻰ ﺷﻌﺮﻯ ﺷﺎﺏ
ﻋﺎﻳﺰﻩ ﺍﻳﻪ ﺗﺎﻧﻰ
ﺣﺘﻰ ﺍﻟﻌﻘﻞ ﻣﻨﻰ ﻏﺎﺏ
...................
ﺍﻟﻌﻘﺎﺏ ﻋﻠﻰ ﻛﺪ ﺍﻟﺬﻧﻮﺏ
ﺫﻧﺒﻰ ﺍﻳﻪ ﻋﻠﺸﺎﻥ ﺍﺗﻮﺏ
ﻋﺎﻳﺰﻩ ﺍﻳﻪ ﺗﺎﻧﻰ
ﻫﻰ ﺗﺨﻠﻴﺺ ﺫﻧﻮﺏ ﻭﻻ ﻣﻜﺘﻮﺏ
...................
ﻣﻦ ﺍﻻﻫﻞ ﻓﺮﻗﺘﻴﻨﻰ
ﻣﻦ ﺣﺒﻴﺒﺘﻰ ﺣﺮﻣﺘﻴﻨﻰ
ﻋﺎﻳﺰﻩ ﺍﻳﻪ ﺗﺎﻧﻰ
ﺑﺴﻜﻴﻨﻪ ﺗﻠﻤﻪ ﺩﺑﺤﺘﻴﻨﻰ
...................
ﻛﻔﺎﻳﻪ ﻳﺎﺩﻧﻴﺎ ﻛﺎﺳﺎﺕ ﺍﻟﻤﺮ
ﻧﻔﺴﻰ ﻓﻰ ﺧﺒﺮ ﻳﺴﺮ
ﻋﺎﻳﺰﻩ ﺍﻳﻪ ﺗﺎﻧﻰ
ﺧﻠﺘﻴﻨﻰ ﻋﺒﺪ ﺍﻻﻟﻢ ﻭﺍﻧﺎ ﺣﺮ
...................