ﺃﻧﺘﺒﻪ..بقلم الشاعر المصري كمال كرباش- مجلة نجوم الأدب والشعر

ﺃﻧﺘﺒﻪ
ﺃﻧﺘﺒﻪ ﻟﻠﻰ ﺟﺎﻯ
ﺍﻟﻠﻰ ﺟﺎﻯ
ﺃﺻﺒﺢ ﺷﺊ ﻣﻬﻢ
ﻛﻞ ﺍﻟﻠﻰ ﻓﺎﺕ
ﺃﻋﺘﺒﺮﻩ ﺗﺠﺮﺑﻪ
ﺣﻴﺎﻩ ﺗﻜﻮﻥ ﺃﺗﻌﻠﻤﺖ ﻣﻨﻬﺎ
ﻋﺎﺭﻑ ﻳﻌﻨﻰ ﺃﻳﻪ
ﺗﻌﻴﺶ ﺣﻴﺎﺗﻚ ﻛﺎﻡ ﺳﻨﻪ
ﻭﻓﺠﺄﻩ
ﻟﻜﻦ ﻣﺶ ﻣﻔﺎﺟﺄﻩ ﺗﻨﺘﺒﻪ
ﺃﻥ ﻓﻰ ﻟﺤﻈﺔ ﻗﺮﺑﺖ
ﻭﻛﻞ ﺣﺎﺟﻪ ﻓﻴﻬﺎ ﺃﻧﺘﻬﺖ
ﻣﺶ ﺩﻣﻮﻉ
ﻭﻻ ﻣﻔﻴﺶ ﺭﺟﻮﻉ
ﻭﻛﻞ ﺍﻟﻠﻰ ﻛﺎﻥ ﻣﻤﻨﻮﻉ
ﻭﺃﻧﺖ ﻋﻤﻠﺘﻪ
ﺁﻥ ﺍﻷﻭﺍﻥ
ﺃﻧﻪ ﻳﻜﻮﻥ ﻟﻪ ﻭﻗﻔﻪ
ﻳﺒﻘﻰ ﻻﺯﻡ ﻣﻦ ﺩﻟﻮﻗﺘﻰ ﺗﻨﺘﺒﻪ
ﻛﻞ ﻏﻠﻄﺔ ﺗﻜﻮﻥ ﻓﺎﻛﺮﻫﺎ
ﺃﻭ ﺃﻓﺘﻜﺮﺕ ﺃﻧﻬﺎ ﺃﺗﻨﺴﺖ
ﺧﻠﻰ ﺑﺎﻟﻚ ﺩﻯ ﺃﺗﺴﺠﻠﺖ
ﻭﺃﻧﻜﺘﺒﺖ ﻋﻠﻴﻚ
ﻣﺤﺘﺎﺟﻪ ﻣﻨﻚ ﻟﺤﻈﻪ ﺻﻔﺎ
ﻭﺃﻧﻚ ﺗﻨﺘﺒﻪ ﻛﻔﺎﻳﻪ ﻏﻔﻠﻪ
ﻣﺤﺘﺎﺝ ﻣﻴﻦ ﻳﻨﺒﻬﻚ
ﻣﺶ ﻻﺯﻡ ﺃﻛﻮﻥ ﺃﻧﺎ
ﻭﻣﻴﻦ ﺃﻧﺎ
ﻣﺎ ﻳﻤﻜﻦ ﺃﻛﻮﻥ ﺯﻳﻚ
ﻭﻣﺤﺘﺎﺝ ﺍﻟﻠﻰ ﻳﻨﺒﻬﻨﻰ
ﻣﺎ ﻛﻞ ﺍﻻﺣﺪﺍﺙ ﺑﺘﻤﺮ
ﻗﺪﺍﻡ ﻋﻨﻴﻨﺎ
ﻭﺣﺎﻳﺠﻰ ﻭﻗﺘﻬﺎ ﻋﻠﻴﻨﺎ
ﺍﻟﺴﻦ ﺑﻴﺰﺣﻒ
ﻭﺍﻟﻌﻤﺮ ﻓﻰ ﻟﺤﻈﻪ ﻫﻴﻨﻪ
ﻣﺶ ﻓﻰ ﻭﻗﺖ ﻣﺘﺤﺪﺩ
ﻟﻤﺎ ﻳﺒﻘﻰ ﺍﻻﻧﺴﺎﻥ ﻣﺘﻤﺪﺩ
ﻣﺶ ﺣﺎﻳﻔﻴﺪﻩ ﺣﺎﺟﻪ
ﻣﻦ ﺣﻮﺍﻟﻴﻪ
ﻭﺍﻻ ﺣﺪ ﻳﺒﻜﻲ ﻋﻠﻴﻪ
ﻟﻤﺎ ﺗﻴﺠﻰ ﺍﻟﻠﺤﻈﺔ ﺩﻯ
ﺍﻟﻠﻰ ﻣﺎﻛﺎﻧﺶ ﻋﺎﻣﻞ ﺣﺴﺎﺑﻬﺎ
ﻭﻛﺎﻥ ﺑﻴﺤﺎﻭﻝ ﻳﻐﻔﻞ ﻋﻨﻬﺎ
ﺍﻧﺘﺒﻪ .. ﻭﻳﺎﺭﻳﺘﻨﺎ ﻧﺘﻌﻆ
ﻳﺎﺭﻳﺖ ﻟﻮ ﻓﺎﺿﻞ
ﻣﻦ ﺍﻟﻌﻤﺮ ﻟﺤﻈﻪ
ﻧﺮﺟﻊ ﻓﻴﻬﺎ ﻟﺮﺑﻨﺎ
ﻳﻤﻜﻦ ﺑﻘﺪﺭﺗﻪ ﻭﺭﺣﻤﺘﻪ
ﺃﻧﻪ ﻳﺮﺿﻰ ﻋﻨﻨﺎ
ﻭﻟﻮ ﻓﺎﺿﻞ ﻟﺴﻪ ﺩﻋﻮﻩ
ﻳﺎﺭﺏ ﺃﻏﻔﺮ ﻟﻨﺎ