الحكم إيه
********
لمي البؤج
يالا إرحلي
لكن قانون الهجرة لازم يكتمل
لجل الخروج م القلب لازم تنصتي
هيئة جمارك للي شايلاه بؤجتك
من نبض عاشق طلتك
جمرك معدل بالزيادة
كل لحظة م الغلا
فرض الضرايب
للكلام اللي نطق يوم باعشقك
واللي كتب
أجمل قصايد عشتها على صفحتي
واكبر ضريبة تندفع ليها قانون
إخراج كنوز الأرض من قلبي أنا
هاتي البديل وإبقي إرحلي
وتصدقي إن قلتلك
لو فيه بدايل كنت سبتك تهربي
وكل دا ولسة برضو هشتكي
شكوى بختم الحب من حبر الهوى
طالب عشان ما تبعدي
إصلاح تلف ف الأوردة
ناتج فراغ هيصيبها لما تخرجي
تقسيمة الدم ف كياني تختلف
نظرة غرام
لمسة إيدين
نبض الهوى
لهفة حنين
وهما دول الأربعة
إختاري ياعمري أنا
يا الحبس ببنود القانون
جوا الكيان
أو تفضلي
الهجرة دايما مؤلمة
********
كلماتي / علاء الدين علي