ﻣﺼﺮ ﺭﺟﻌﺖ
ﺑﺲ ﺇﺣﻨﺎ ﻟﺴﻪ
ﻣﻦ ﺟﻮﺍﻧﺎ ﻣﺨﻄﻮﻓﻴﻦ
ﺑﻨﻠﻤﻠﻢ ﻓﻰ ﻧﻔﺴﻴﻨﺎ
ﻓﻴﻨﺎ ﺇﻟـ ﺧﺎﻳﻒ
ﻭﻓﻴﻨﺎ .. ﺍﻟﺤﺰﻳﻦ
ﻭﺍﻟﺼﺒﺢ ﺇﺗﺎﺧﺮ
ﺑﺲ ﺇﺣﻨﺎ
ﻣﻮﺟﻮﺩﻳﻦ
ﻓﻰ ﻧﻔﺲ ﺍﻟﻤﻜﺎﻥ
ﻣﺶ ﻫﻨﻤﺸﻰ
ﻣﺴﺘﻨﻴﻴﻦ
ﻳﺎ ﻧﺮﺟﻊ ﺯﻯ
ﻣﺎ ﺭﺟﻌﺖ
ﻳﺎ ﻳﻤﻮﺕ ﻓﻰ
ﺿﻠﻮﻋﻨﺎ
ﺍﻟﺤﻨﻴﻴﻦ
ﺳﺎﻋﺎﺕ
ﻭﺃﻳﺎﻡ ﻋﺪﺕ
ﺇﺗﻬﺰﻳﻨﺎ
ﻭﺣﺎﺟﺎﺕ ﻛﺘﻴﺮ
ﺇﺗﻬﺪﺕ
ﻛﺎﻧﺖ ﺛﺎﺑﺘﻪ
ﻓﻰ ﺇﻳﺪﻳﻨﺎ
ﺇﻣﺘﻰ ﻳﺎ ﺻﺒﺢ
ﻳﺠﻰ ﺍﻟﻨﻮﺭ
ﻓﻰ ﻋﻴﻨﻴﻨﺎ
ﺇﻣﺘﻰ ﺗﻘﻮﻯ
ﺍﻟﺨﻄﻮﺓ .. ﺗﺤﺘﻴﻨﺎ
ﺇﻣﺘﻰ ﻳﺎ ﻧﻬﺎﺭ
ﻧﺸﻮﻑ ﺍﻟﻮﺷﻮﺵ
ﺣﻮﺍﻟﻴﻨﺎ
ﺗﻌﺒﻨﺎ
ﻭﻣﺶ ﻋﺎﺭﻓﻴﻦ
ﻣﻴﻦ ﻣﻌﺎﻧﺎ
ﻭﻣﻴﻦ ﻋﻠﻴﻨﺎ
ﻓﻴﻪ ﺣﺪ
ﻋﺎﻳﺰ ﺍﻟﻠﻴﻞ
ﻳﻄﻮﻝ
ﻭﺍﻟﺼﺒﺢ ﻳﺘﺄﺧﺮ
ﻓﻴﻪ ﺣﺪ
ﻣﺴﺘﻨﻰ
ﺍﻟﻤﻴﻪ ﻓﻰ ﺍﻷﺭﺽ
ﺗﺘﺒﺨﺮ
ﻓﻴﻪ ﺣﺪ
ﻭﺳﻄﻴﻨﺎ
ﻧﻔﺴﻪ ﻧﻨﺎﻡ
ﻭﻧﺸﺨﺮ
ﺍﻟﺼﺒﺢ ﺇﺗﺄﺧﺮ
ﻃﺐ ﺣﺘﻰ
ﻳﺒﻌﺖ ﺣﺘﻪ
ﺿﻰ
ﻳﺒﻌﺖ ﻳﻘﻮﻝ
ﺇﻧﻪ ﻫﻴﺘﺄﺧﺮ
ﻳﺒﻌﺖ ﻳﻘﻮﻝ
ﺇﻧﻪ ﺟﺎﻯ
ﻳﺒﻌﺖ ﺷﻤﺴﻪ
ﺗﺪﻓﻰ ﺍﻟﺒﺮﺩ
ﻛﻞ ﺑﻴﺖ
ﻛﻞ ﺣﺎﺭﺓ
ﻭﻛﻞ .. ﺣﻰ
ﻳﺒﻌﺖ ﺃﻯ
ﺇﺷﺎﺭﺓ
ﺗﻘﻮﻝ ﺇﻧﻰ
ﻟﺴﻪ .. ﺣﻰ
ﺇﺣﻨﺎ ﺷﺎﻳﻔﻴﻴﻦ
ﻭﻻ ﺇﻟـ ﻗﺪﻣﻨﺎ
ﻛﻮﻣﻪ
ﻫﻨﻜﺘﺐ ﺑﻜﺮﺓ
ﻭﻻ ﻫﻨﻤﺴﻚ
ﺟﻮﻣﺔ
ﺇﺣﻨﺎ ﻧﻤﻨﺎ
ﻭﻻ ﺟﺎﻳﺔ .. ﺍﻟﻘﻮﻣﺔ
ﻭﺍﻟﺼﺒﺢ ﺇﺗﺄﺧﺮ
ﻭﻻ ﺭﺍﺣﺖ ﻋﻠﻴﻪ
ﻧﻮﻣﻪ
ﺧﻄﻰ
ﻳﺎ ﺻﺒﺢ ﺍﻟﺴﻮﺭ
ﻭﺇﺭﺳﻢ ﺑﻜﺮﺓ
ﻓﻰ ﻛﻠﻤﺔ
ﺗﺒﻘﻰ ﺷﻌﺎﻉ
ﻣﻦ ﻧﻮﺭ
ﻳﻬﺰﻡ
ﻛﻞ .. ﺍﻟﻀﻠﻤﺔ
موضوع: ﺍﻟﺼﺒﺢ ﺇﺗﺄﺧﺮ ..ﻟﻠﺸﺎﻋﺮ المصري ﻣﺪﺣﺖ ﻋﻄﻴﺔ- مجلة نجوم الأدب والشعر 
الجمعة مارس 11, 2016 10:33 am
