ﻧﻔﺲ ﺍﻟﺸﻌﻮﺭ ..بقلم الشاعر المصري حاتم صلاح- مجلة نجوم الأدب والشعر

ﻧﻔﺲ ﺍﻟﺸﻌﻮﺭ
***********
ﻭﻣﺼﺎﺣﺒﻨﻰ ﺗﺎﻧﻰ ﺍﻟﺸﻌﻮﺭ
ﺍﺭﺟﻊ ﺍﺣﺲ ﺑﺤﺎﺟﺎﺕ
ﻃﻨﻴﺘﻚ ﻳﺎ ﻗﻠﺐ ﺍﺭﺽ ﺑﻮﺭ
ﺣﺴﺒﺘﻚ ﻫﺎﻣﺪ ﺭﻓﺎﺕ
ﻋﺰﻓﺖ ﻋﻠﻰ ﺍﻭﺗﺎﺭ ﺣﻮﺍﺱ
ﺷﺪﻧﻰ ﻛﻞ ﺷﻴﺊ ﺟﻤﻴﻞ
ﻣﻦ ﺑﻴﻦ ﺍﻯ ﻧﺎﺱ
ﻟﻤﺴﺖ ﺍﺣﺴﺎﺱ ﺍﺻﻴﻞ
ﻭﻣﺼﺎﺣﺒﻨﻰ ﺗﺎﻧﻰ ﺍﻟﺸﻌﻮﺭ
ﺍﺗﺎﺭﻳﺔ ﺑﺎﻟﻘﻠﺐ ﺩﻓﻴﻦ
ﻣﺘﻤﺴﻜﺔ ﻟﺴﺔ ﺍﻟﺠﺬﻭﺭ
ﻭﺍﻥ ﺭﻭﺍﻫﺎ ﺍﻻﻧﻴﻦ
ﻛﺎﻧﺖ ﻛﺎﻓﻴﺔ ﻧﻈﺮﺓ ﻋﺎﺑﺮﺓ
ﺗﻌﻮﺩ ﻋﺎﻟﻴﺔ ﻟﺸﻮﻗﻰ ﻧﺒﺮﺓ
ﺗﺼﺮﺥ ﺗﻌﺎﺗﺐ ﻛﻞ ﺣﻮﺍﺳﻰ
ﻋﻦ ﺳﻨﻴﻦ ﻗﻀﻴﺘﻬﺎ ﺻﺎﺑﺮﺓ
ﻛﺎﻥ ﻛﻔﺎﻳﺔ ﻣﻦ ﺟﺮﺍﺣﻰ
ﺣﺰﻥ ﻗﻠﺐ ﻭﺷﺠﻰ ﺭﻭﺣﻰ
ﻛﺎﻥ ﻛﻔﺎﻳﺔ ﻣﻦ ﺍﻟﻌﺘﺎﺏ
ﻣﺶ ﻛﻞ ﺣﺎﺟﺔ ﺭﺣﺖ ﻣﺎﺣﻰ
ﻣﻊ ﺍﻟﺰﻣﺎﻥ ﻣﺎ ﻧﺴﻴﺖ
ﺭﻏﻢ ﺍﻻﻟﻢ ﻟﻜﻦ ﻭﻓﻴﺖ
ﻛﻞ ﺳﺎﻋﺔ ﺍﻟﻒ ﻣﺮﺓ
ﺍﻧﺪﻡ ﺍﻧﻰ ﻣﺎ ﻧﺎﺩﻳﺖ
ﻛﺘﻴﺮ ﺗﻌﺎﺑﺘﻨﻰ ﺍﻟﻬﻮﺍﺟﺲ
ﺩﺍﻭﻣﺖ ﺍﻧﻜﺮ ﺍﻧﻰ ﺣﺎﺳﺲ
ﺑﻨﺒﺾ ﺣﺐ ﻓﻰ ﻣﺘﺎﻫﺔ
ﺳﺎﻛﻦ ﺍﻟﺸﺮﻳﺎﻥ ﻣﻼﻣﺲ
ﻣﺮﺍﻭﺩﻧﻰ ﻧﻔﺲ ﺍﻟﺸﻌﻮﺭ
ﺯﻯ ﺍﻭﻝ ﻣﺮﺓ ﺭﺍﺋﻴﺘﻚ
ﺗﺮﺗﻌﺶ ﺑﻴﺪﻯ ﺍﻟﺰﻫﻮﺭ
ﺗﺮﺳﻢ ﺍﻭﺭﺍﻗﻬﺎ ﺣﺒﻴﺘﻚ