المركز السادس مجال شعر العامية بمسابقة مجلة نجوم الأدب والشعر دورة مارس 2016 قصيدة أمي 56.5 للشاعر سيد مرسي / مصر

امى.....
على باب الحب يامه
بلهفة قلبى جيت
اسال على اللى ضمه
الحب لكل بيت
سايبه الشواق تاخدنا
نروح بعيد تجبنا
نلاقى الذكرى فيها
ع الباب جايه تحاسبنا
العين لما تلاقيها
تطاطى الجفن ليها
وتدور ع الحنان
وتقول كلمة ياريت
..........
ياريت كات كلمه تنفع
فى البعد وللا تشفع
دا الام لما ترحل
الاه فى القلب توجع
ونعيش ايامنا بيها
منلاقى اللى يداويها
غير دعوه منها كانت
تقابلنى لو هويت
...........
الام دى اللى ربت
وبكل حنانها صبت
واول قول ياماما
الفرحه فيها شبت
حسيت بيها الحنان
وامان جوه المكان
وياه حضن دافى
بسملت فيه وصليت
...........
ساقتنى الاستقامه
وكاستنى توب امانه
وقالتلى حب ربك
م المهد للقيامه
فى الشده لوبعانى
الاقيها ف الامانى
والحكمه والمعانى
والصبر لو ابتليت
............
سنين العمر عدت
كبرت وهيا كبرت
فى صلاتها بتدعى ليا
احس بدمعه حنت
شورتلى ع الطريق
وبقيت ابن وصديق
ابعد عنها وارجع
الاقيها نور فى بيت
الدنيا عليا تاسى
بتكونلى لحاف وفرشه
وان اقولت اه يا امى
تقوللى قلبى مرسى
ربى وصى عليها
فى الضلمه اكون عنيها
وف الشده امسك ايديها
وباشاره اكون. لبيت
.............
فى ليله بدون صباح
العمر فاتها وراح
وسابتنى وسط غربه
اداوى ليل جراح
اعيد. ايام. زمان
مشتاق حضن الحنان
وكلمة حب دافيه
فى يوم بيها اتدفي