ﺑﺎﻟﻌﺎﻣﻴﺔ .. ﺍﻟﻤﺼﺮﻳﺔ..بقلم الشاعر المصري ﻣﺤﻤﺪ ﺍﺑﻮ ﺳﺨﻴﻞ ﺍﻟﺒﺎﺷﺎ- مجلة نجوم الأدب والشعر

ﺑﺎﻟﻌﺎﻣﻴﺔ ...ﺍﻟﻤﺼﺮﻳﺔ
ﻭﺑﻨﻔﺲ ﺍﻟﻠﻬﺠﺔ ﺍﻟﻘﺮﻭﻳﺔ ..
ﻧﻔﺴﻲ ﺃﺻﺮﺥ ...ﺻﺮﺧﺔ ﻣﺪﻭﻳﺔ
ﻭﺃﺣﻄﻢ ..... ﺍﺳﻮﺍﺭ ﺍﻟﺤﺒﺲ
ﺍﺗﻨﻄﻂ ... ﻓﻰ ﺭﺣﺎﺏ ...ﺍﻟﺤﺮﻳﺔ .
ﻧﻔﺴﻲ ﺃﻗﻮﻝ ﻟﻠﻈﺎﻟﻢ .. ﻛﺶ
ﻛﻠﻤﺔ .. ﻗﻮﻳﺔ ﺗﻜﻮﻥ ..ﻓﻰ ﺍﻟﻮﺵ
ﻭﺃﺑﻄﻞ ﻗﻮﻟﺔ ... ﻣﻌﻠﺶ ....
ﺑﻜﻔﺎﻳﺔ ..ﻏﺶ ... ﻭﻭﺣﺸﻴﺔ .
ﻧﻔﺴﻲ ﺍﺻﺮﺥ ﻭﺍﻟﻨﺎﺱ ﺗﺴﻤﻌﻨﻰ
ﻭﺍﻗﻮﻝ ﻟﻌﻴﻮﻧﻰ ... ﺍﺗﺪﻣﻌﻨﻰ
ﻭﺍﻗﻮﻝ ﻟﻠﻮﺭﻣﺎﻥ .. ﺩﺍ ...ﻳﻔﺶ .
ﺍﻟﺪﻧﻴﺎ ﻭﺍﻟﻠﻪ ﻣﺎ ﺗﺴﺘﺎﻫﻞ .. ﻣﺪﺍﺩﻳﺔ .
ﻭﺍﻗﻮﻝ ﻟﻠﻤﻈﻠﻮﻡ ... ﺑﻜﻔﺎﻳﺔ
ﻋﻤﺎﻝ ﺗﺘﻤﺴﺢ ﻓﻰ ﺍﻟﺮﺍﻳﺔ
ﻭﺗﺪﻭﺭ ..ﻉ ..ﺍﻟﺪﻭﺩ ..ﻓﻰ ﺍﻟﻤﺶ .
ﺑﻜﻔﺎﻳﺔ ﺳﻜﻮﺗﻚ ..ﺑﻜﻔﺎﻳﺔ
ﻣﺸﺘﺎﻕ .. ﻣﺘﻠﻬﻒ ..ﺿﺤﻜﺎﻳﺔ
ﻭﺣﻜﺎﻳﺘﻚ ..ﻭﺍﻟﻠﻪ ..ﺣﻜﺎﻳﺔ
ﻃﻮﻝ ﻣﺎﻧﺖ .. ﺟﺒﺎﻥ .. ﻣﺎ ﺍﺑﺘﺼﺮﺧﺶ .
ﻣﻴﻦ ﻫﺎﻳﺠﻴﺐ .. ﺣﻘﻚ .. ﻓﻰ ﺣﻴﺎﻩ
ﻓﻴﻬﺎ ..ﻭﺣﻮﺵ .. ﻭﺍﻟﻐﺎﺑﺔ ..ﺑﻜﺮﺵ .
ﻋﻤﺎﻝ ﺗﺴﻜﺖ .. ﺗﺴﻜﺖ .. ﺗﺴﻜﺖ
ﺃﺧﺮﺱ ﻟﻴﻪ ..... ﻟﻴﻪ ﻣﺎ ﺍﺑﺘﻨﻄﻘﺶ .؟
ﻣﺎﺷﻲ ﻟﻮﺣﺪﻙ .. ﺟﻨﺐ ﺍﻟﺤﻴﻂ
ﻭﻳﻘﻮﻟﻮﺍ ﻋﺒﻴﻂ ..ﻭﺍﻧﺖ ..ﻣﺎ ﺗﻨﻜﺮﺵ .
ﻃﻮﻝ ﻣﺎ .. ﺍﻟﻈﺎﻟﻢ ﻓﺎﺭﺩ ﺑﺎﻋﻮﺍ
ﻭﺍﻧﺖ ﻭﺭﺍﻩ ... ﺑﺘﻘﻮﻝ ... ﺗﺒﺎﻋﻮﺍ
ﻭﺭﺍﺳﻚ ..ﻭﺳﻂ ﺍﻟﻮﺣﻞ ......ﺗﺨﺶ .
ﻣﻴﻦ ﺭﺍﺣﻴﺮﻓﻊ ...ﺭﺍﺳﻚ ﻏﻴﺮﻙ
ﺍﻭﻋﻰ ﺍﺗﻄﺎﻃﻰ ..ﻟﻌﻔﺶ .. ﻭﻗﺶ .
ﺧﻠﻴﻚ ..ﻭﺍﺩ ﻭﺭﻕ .. ﺍﻟﻜﻮﺗﺸﻴﻨﺔ
ﺧﻠﻴﻚ ﻭﺳﻂ ﺍﻟﻤﻠﻌﺐ .... ‏( ﻛﻮﺗﺶ . ‏)
ﻧﻔﺴﻲ ﺍﻋﻠﻰ ﺑﻌﺰﻡ ﺍﻟﺼﻮﺕ
ﺍﻓﻀﻞ ﺍﺻﺮﺥ ﻟﻤﺎ ...ﺍﻣﻮﺕ
ﻭﻻ ﻳﻮﻡ ﺣﻘﻰ ﻳﻀﻴﻊ ..ﻑ ﺳﻜﻮﺕ
ﻭﻻ ﺍﻗﻮﻝ ... ﻟﻠﻈﺎﻟﻢ .. ﻣﻌﻠﺶ .
ﺍﻭﻋﻰ ﺗﺨﺎﻑ ﻣﻦ ..ﻛﻠﻤﺔ .. ﺣﻖ
ﻣﻬﻤﺎ ..ﻃﺒﻮﻝ ﻉ ﺍﻟﺮﺍﺱ ﺑﺘﺪﻕ
ﺑﻴﻬﺎ ﺗﻤﻮﺕ ﻣﺮﻓﻮﻉ ﺍﻟﻬﺎﻣﺔ ...
ﻫﻴﻪ ... ﻛﺮﺍﻣﺔ .. ﻭﺣﺒﺔ .. ﺩﻡ
ﺍﻭﻋﻰ .. ﺗﻘﻮﻟﻠﻰ ﻑ ﻳﻮﻡ .. ﻣﻌﺮﻓﺶ .
ﻋﺎﻣﻴﺔ ﺑﻠﺪﻯ