ﻻ ﻳﺎ ﺷﻴﺨﻨﺎ ..بقلم الشاعر المصري طه إبراهيم - مجلة نجوم الأدب والشعر

ﺑﺲ ﺇﻣﺘﻲ ﺍﻟﻨﺎﺱ ﻫﺘﻔﻬﻢ
ﺇﻥ ﺩﻳﻦ ﺍﻟﻠﻪ ﻗﺒﻮﻝ
ﻭﺇﻥ ﻗِﺒﻠﺖ ﺑﺄﻱ ﺷﺪﻩ
ﺇﻣﺸﻲ ﻓﻴﻬﺎ ﺑﺎﻷﺻﻮﻝ
ﺿﻢ ﺃﻫﻠﻚ ﻭﺍﻻﺣﺒﻪ
ﺭﺑﻲ ﻓﻴﻬﻢ ﺣﺐ ﺭﺑﻚ
ﻭﺍﻟﻤﻮﺩﻩ .... ﻟﻠﺮﺳﻮﻝ
ﻭﺍﻟﺴﻤﺎﺣﻪ ﻑ ﺍﻟﻤﻌﺎﻣﻠﻪ
ﻭﺍﻟﻤﺮﻭﻧﻪ ﻑ ﺍﻟﻌﻘﻮﻝ
ﺧﻠﻲ ﻛﻞ ﺍﻟﻨﺎﺱ ﺗﺤﺒﻚ
ﺧﻠﻲ ﻛﻞ ﺍﻟﻨﺎﺱ ﺗﻘﻮﻝ
ﺍﻟﻠﻲ ﻓﺎﻫﻢ ﺩﻳﻨﻪ ﺻﺎﻟﺢ
ﻣﺶ ﻣﻜﺸﺮ ﺃﻭ ﺧﺠﻮﻝ
ﺍﻟﻠﻲ ﻓﺎﻫﻢ ﺩﻳﻨﻪ ﺻﺎﻟﺢ
ﻣﺶ ﻣﻌﻔﺮﺕ ﻭﻻّ ﻏﻮﻝ
ﺍﻟﺘﺪﻳﻦ ﻣﺶ ﺟﺮﻳﻤﻪ
ﺍﻟﺠﺮﻳﻤﻪ ﻑ ﺍﻟﻌﻘﻮﻝ
ﺍﻟﻠﻲ ﺷﺎﻑ ﺍﻟﺪﻧﻴﺎ ﺿﻠﻤﻪ
ﻭﺍﻟﻠﻲ ﺧﺎﻳﻒ ﻡ ﺍﻟﻤﻐﻮﻝ
ﻭﺍﻟﻠﻲ ﻓﺎﻛﺮ ﻧﻔﺴﻪ ﻓﺎﻫﻢ
ﻭﺍﻟﺸﺮﻳﻌﻪ ﺷﺊ ﻣﺎﻫﻮﻝ
ﻟﻮ ﻫﺘﺴﺄﻝ ﺍﻟﻒ ﻋﺎﻟﻢ
ﺭﺩ ﺍﺣﺪ ﻑ ﺍﻻﺻﻮﻝ
ﻫﻮ ﺩﻩ ﺷﺄﻥ ﺍﻟﻠﻲ ﻓﺎﻫﻢ
ﻛﻠﻪ ﺧﺎﻳﻒ ﻡ ﺍﻟﻤﻴﻮﻝ
ﺍﻟﻠﻲ ﺧﺎﻳﻒ ﻧﻔﺴﻪ ﺗﺴﺮﺡ
ﺗﺤﺖ ﺭﻏﺒﻪ ﺃﻭ ﻓﻀﻮﻝ
ﻭﺍﻟﻠﻲ ﻋﺎﻣﻞ ﻧﻔﺴﻪ ﺗﺎﺑﻊ
ﺃﻭ ﻣﺒﺪّﻉ ﻑ ﺍﻟﻐﻠﻮﻝ
ﺗﻠﻘﻲ ﻛﻞ ﺍﻟﻨﺎﺱ ﻑ ﻋﻴﻨﻪ
ﺇﻣﺎ ﻋﺎﺻﻲ ﺃﻭ ﺟﻬﻮﻝ
ﻭﺍﻟﻠﻲ ﺷﺎﻳﻒ ﺩﻳﻨﻪ ﺳﺒﺤﻪ
ﺃﻭ ﻣﻘﺼﺮ ﺑﻨﻄﻠﻮﻥ
ﻛﻞ ﺣﺂﺟﻪ ﻳﺸﻮﻓﻬﺎ ﺑﺪﻋﻪ
ﺇﻳﻜﺶ ﻟﻌﺒﻪ ﻑ ﺍﻟﺼﺎﻟﻮﻥ
ﻭﺍﻻﻏﺎﻧﻲ .... ﻭﺍﻟﺘﺴﺎﻟﻲ
ﺣﺘﻲ ﺻﻮﺭﺓ ﺃﺧﻨﺎﺗﻮﻥ
ﺗﺒﻘﻲ ﻭﺍﻗﻒ ﺟﻨﺒﻪ ﺧﺎﻳﻒ
ﺃﻱ ﻧﻈﺮﻩ ﻑ ﺍﻟﻌﻴﻮﻥ
ﺃﻱ ﻏﻠﻄﻪ ﻑ ﺍﻟﻜﻼﻡ
ﺃﻭ ﺣﺎﻛﻴﺖ ﻋﻦ ﺃﻓﻼﻃﻮﻥ
ﺗﺒﻘﻲ ﻫﺎﻳﻒ ﺃﻭ ﻣﻬﻴﺲ
ﺃﻭ ﻣﺒﺮﻃﻊ ﻑ ﺍﻟﺠﻨﻮﻥ
ﺗﺒﻘﻲ ﻋﺎﻳﺰ ﻣﻴﺖ ﻣﺒﺮﺭ
ﺃﻭ ﻣﺤﺎﻛﻤﻪ ... ﺑﺎﻟﻘﺎﻧﻮﻥ
ﻷ ﻳﺎ ﺷﻴﺨﻨﺎ ﻷ ﻳﺎ ﺳﻴﺪﻧﺎ
ﺃﻱ ﻓﻜﺮﻩ ﻭﺃﻱ ﻟﻮﻥ
ﻣﻴﻦ ﺟﻨﺎﺑﻚ ﻣﻴﻦ ﺗﻜﻮﻥ
ﺍﻟﺘﺸﺪﺩ ﻣﺶ ﺷﻄﺎﺭﻩ
ﺃﻭ ﻣﻨﺎﺳﺐ ﻟﻠﺬﻗﻮﻥ
ﺍﻟﺘﺸﺪﺩ ﺳﻜﻪ ﻏﺎﻣﻀﻪ
ﻭﺳﻂ ﻫﺎﻟﻪ ﻡ ﺍﻟﻈﻨﻮﻥ
ﺭﺑﻲ ﺃﻭﺻﻲ ﺑﺎﻟﺘﻮﺳﻂ
ﺷﺮﻉ ﺭﺑﻲ ﻑ ﺍﻟﺸﺌﻮﻥ
ﻭﺍﻟﺼﺤﺎﺑﻪ ﺃﻭﻟﻲ ﻣﻨﺎ
ﻑ ﺍﻟﺸﺮﻳﻌﻪ ﻭﺍﻟﻤﺘﻮﻥ
ﻟﻮ ﺃﻣﺮﻫﻢ ﻳﻮﻡ ﻧﺒﻴﻨﺎ
ﻛﺎﻧﻮﺍ ﺯﺍﺩﻭﺍ ﻑ ﺍﻟﻤﺎﻋﻮﻥ
ﺭﺑﻲ ﺃﻋﻠﻢ ﺑﺎﻟﻨﻮﻳﺎ
ﺃﻱ ﺣﺮﻛﻪ ﺃﻭ ﺳﻜﻮﻥ
ﻭﺍﻟﺨﻮﺍﻃﺮ ... ﻭﺍﻟﺨﻔﺎﻳﺎ
ﻗﻮﻝ ﻳﺎ ﺷﻴﺨﻨﺎ ﻣﻴﻦ ﺗﻜﻮﻥ