ﻛُﻨﺖ ﻓﺎﻛﺮ . بقلم الشاعرة المصرية صفاء عبدربه- مجلة نجوم الأدب والشعر

ﻛُﻨﺖ ﻓﺎﻛﺮ
*********
ﻛُﻨﺖ ﻓﺎﻛﺮ ﻟﻤﺎ ﺗِﺒﻌﺪ
ﺇﻧﻲ ﻓﻲ ﺑﻌﺎﺩﻙ ﻫﺎﻣﻮﺕ ؟
ﻭﻻ ﻓﺎﻛﺮ ﻟﻤﺎ ﺗﻐﻀﺐ
ﺇﻧﻲ ﻋﻠﻲ ﺑﺎﺑﻚ ﻫﺎﻓﻮﺕ ؟
ﻭﻻ ﻓﺎﻛﺮ ﻟﻤﺎ ﺗﻬﺠﺮ
ﺇﻧﻲ ﻣﻦ ﻏﻴﺮﻙ ﻫﺎﺗﻮﻩ ؟
ﻭﺭﺍﺡ ﺃﺑﻜﻲ ﻋﻠﻲ ﺃﻋﺘﺎﺑﻚ
ﻭﺃﻗﻮﻝ ﻫﺎﺗﻮﻩ
ﻻ ..... ﻻ ﻳﺎﻗﻠﺒﻲ ﺃﻧﺎ
ﻻ ...... ﻻ ﻳﺎﻧﺒﻀﻲ ﺃﻧﺎ
ﻻ ...... ﻳﺎﻛﻠﻲ ﺃﻧﺎ
ﻻ ...... ﻻ ﻳﺎﺃﻧﺎ
ﻛﻨﺖ ﻓﺎﻛﺮ ﻟﻤﺎ ﺗﺒﻴﻊ
ﺃﻧﺎ ﻫﺎﺃﺷﺘﺮﻳﻚ ؟
ﻭﻻ ﻓﺎﻛﺮ ﻟﻤﺎ ﺗﺠﺮﺡ
ﺃﻧﺎ ﺭﺍﺡ ﺃﺑﻘﻲ ﻋﻠﻴﻚ ؟
ﻭﻻ ﻓﺎﻛﺮ ﻟﻤﺎ ﺗﻌﻨﺪ
ﻫﺎﺟﺮﻱ ﻭﺃﺩﻭﺭ ﻋﻠﻴﻚ ؟
ﻭﻻ ﺃﺣﺎﻳﻠﻚ ﻭﺃﺑﻮﺱ ﺇﻳﺪﻳﻚ ؟
ﻭﻻ ﻓﺎﻛﺮ ﺇﻳﻪ
ﻭﻻ ﺇﻳﻪ ......... ﻭﻻ ﺇﻳﻪ
ﺇﻧﺖَ ﻓﺎﻛﺮ ﻧﻔﺴﻚ ﺇﻳﻪ
ﻛُﻨﺖ ﻓﺎﻛﺮ ﺇﻥ ﺑﻜﺮﻩ
ﻣﻤﻜﻦ ﻟﻠﻤﺎﺿﻲ ﺃﻋﻮﺩ ؟
ﻭﻻ ﻓﺎﻛﺮ ﺇﻥ ﺗﺎﻧﻲ
ﻣﻤﻜﻦ ﻟﺤﻀﻨﻲ ﺗﻌﻮﺩ ؟
ﺩﺍ ﺇﻧﺖَ ﺧﺎﻳﻦ ﺃﻧﺎﻧﻲ
ﺇﻧﺖَ ﺧﺎﻳﻦ ﻟﻠﻮﻋﻮﺩ
ﺇﻧﺴﺎﻥ ﻏﺎﺩﺭ ﺣﻘﻮﺩ
ﻭﻋﻤﺮﻙ ﻣﺎﺗﺼﻮﻥ ﺍﻟﻌﻬﻮﺩ
ﺑِﻌﺘِﻨﻲِ ﻭﺑﻌﺖ ﻛﻞ ﺣﺎﺟﻪ
ﻭﺇﻧﺖَ ﻭﻻ ﺗﺴﻮﻱ ﺣﺎﺟﻪ
ﻭﻏﺮﻭﺭﻙ ﻛﺎﻥ ﺑﺰﻳﺎﺩﻩ
ﻟَﻜِﻦ ﺻَﺪَﻗﻨﻲ ..
ﺻَﺪَﻗﻨﻲ ﻳﻮﻡ ﻣﺎ ﺗﻨﺪﻡ
ﻭﺗﻴﺠﻲ ﺗﻌﻮﺩ ﻟﻲ ﺗﺎﻧﻲ
ﺳﺎﻋﺘﻬﺎ !!!
ﻣﺶ ﺗﻠﻘﺎﻧﻲ ﺯﻱ ﻣﺎﻧﻲ
ﻣﻬﻤﺎً ﻛﺎﻥ ﻟﻲ ﻣﻌﺎﻙ ﺃﻣﺎﻧﻲ
ﻣﺎﻫﻮ ﻣﺴﺘﺤﻴﻞ
ﻣﺴﺘﺤﻴﻞ ﺃﺭﺟﻌﻠﻚ ﺗﺎﻧﻲ
ﻣﺴﺘﺤﻴﻞ .. ﺃﺭﺟﻊ ﻷﻧﺎﻧﻲ
ﺑﻌﺪ ﻣﺎ ﺿﺎﻋﺖ ﻣﻌﺎﻩ ﺃﻣﺎﻟﻲ
ﻣﺴﺘﺤﻴﻞ .....
ﺑﻌﺪ ﻣﺎ ﺿﺎﻉ ﺣﻠﻤﻲ ﺍﻟﺠﻤﻴﻞ
ﺃﻳﻮﺍ ....
ﺃﻳﻮﺍ ﺑﻘﻮﻟﻚ ﻣﺴﺘﺤﻴﻞ
ﺩﺍ ﺍﻟﺠﻤﻴﻞ
ﺇﻥ ﻛﺎﻥ ﻟﻲ ﻓﻴﻚ ﺃﻣﺎﻧﻲ
ﺇﻧﻲ ﺃﺩﻳﻠﻚ ﺣﻨﺎﻧﻲ
ﺩﺍﻳﻤﺎ ﻣﻦ ﻏﻴﺮ ﺑﺪﻳﻞ
ﻟﻜﻦ ..
ﺇﻧﺖ ﺿَﻴَﻌﺖ ﻛﻞ ﺣﺎﺟﻪ
ﺿﻴﻌﺘﻨﻲ ....
ﻭﺿﻴﻌﺖ ﺣﻠﻤﻲ ﺍﻟﻜﺒﻴﺮ
ﻭﻫﻮ ﺩﺍ ﻛﺎﻥ ﺍﻟﻤﺴﺘﺤﻴﻞ
ﺩﺍ ﺃﻧﺎ ﻳﺎﻣﺎ ﺻﺒﺮﺕ ﻋﻠﻴﻚ
ﻭﺟﺮﻭﺣﻲ ﻫﺎﻧﺖ ﻋﻠﻴﻚ
ﻭﺇﻧﺖ ..
ﻗِﺴﻴﺖ ﻳﺎﻣﺎ ﻋﻠﻴﺎ
ﻭﺇﺗﺤﻤﻠﺖ ﻣﻨﻚ ﺁﺳﻴﻪ
ﻭﻣﻦ ﺑُﻜﺎﻳﺎ .. ﺭﺍﺡ ﻧﻮﺭ ﻋﻴﻨﻴﺎ
ﻭﺑﻌﺪ ﻣﺎﻛﻨﺖ ﻟﻲ ﻛﻞ ﺣﺎﺟﻪ
ﺑﻘﻴﺖ ﺩﻟﻮﻗﺘﻲ .. ﻭﻻ ﺣﺎﺟﻪ
ﺩﺍ ﺃﻧﺎ ﺍﺧﺘﺮﺗﻚ ﻣﻦ ﺑﻴﻦ ﺃﻟﻮﻑ
ﻛﺎﻥ ﻗﻠﺒﻲ ﻋﻠﻴﻚ ﻣﻠﻬﻮﻑ
ﻭﺗﺤﺪﻳﺖ ﺑﻴﻚ ﺍﻟﻈﺮﻭﻑ
ﻛﻨﺖ ﺷﺎﻳﻔﻪ ﻗﻠﺒﻚ ﺭﺅﻭﻑ
ﻛﻨﺖ ﺑﺎﻣﻮﺕ ﻛﻞ ﻳﻮﻡ ﻡ ﺍﻟﺨﻮﻑ
ﻭﺃﻧﺎ ﺷﺎﻳﻔﻪ ﺣﻮﺍﻟﻴﻚ ﺃﻟﻮﻑ
ﻛﻨﺖ ﺧﺎﻳﻔﻪ ﻣﻦ ﺍﻟﺒﻌﺎﺩ
ﻛﻨﺖ ﺑﺎﻗﻴﻪ ﻉ ﺍﻟﻮﺩﺍﺩ
ﻭﻗﻠﺖ ﺃﻧﺴﻲ ﺇﻟﻠﻲ ﻓﺎﺕ
ﻭﺃﻋﻴﺶ ﻣﻌﺎﻙ ﺍﻟﺤﺎﺿﺮ ﻭﺇﻟﻠﻲ ﺁﺕ
ﻛﺎﻥ ﺳَﻬﻤَﻚ ﻓﻲ ﺍﻟﻘﻠﺐ ﺻﺎﻳﺐ
ﻭﻛُﻨﺖ ﻟﻲ ﺣﺎﺿﺮ ﻭﻏﺎﻳﺐ
ﻭﻗﻠﺒﻲ ﻛﺎﻥ ﻓﻲ ﻫﻮﺍﻙ ﺩﺍﻳﺐ
ﻣﺎ ﺃﻧﺎ ﻏﻴﺮﻙ ..
ﻭﺍﻟﻠﻪ ﻣﺎ ﻛﻨﺖ ﺷﺎﻳﻒ
ﻭﻣِﻦ ﺍﻟﻔﺮﺍﻕ
ﺩﺍﻳﻤﺎ ﺃﻧﺎ ﻛﻨﺖ ﺧﺎﻳﻒ
ﻣﺎﺇﻧﺖ ﻛﻨﺖ ﻟﻴﺎ ﻛﻞ ﺣﺎﺟﻪ
ﻟﻜﻦ ﺍﻟﻨﻬﺎﺭﺩﻩ ...
ﺑَﻘﻴﺖ ﻭﻻ ﺃﻱ ﺣﺎﺟﻪ
ﺩﺍ ﺃﻧﺎ ﻳﺎﻣﺎ ﻛَﺬﺑﺖ ﻓﻴﻚ ﺍﻟﻈﻨﻮﻥ
ﻭﻗﻠﺖ ﺃﻋﺎﻣﻠﻚ ﺑﺎﻷﺻﻮﻝ
ﻭﻳﻜﻔﻴﻨﻲ ﺇﻥ ﻗﻠﺒﻚ ﻋﻠﻴﺎ
ﻳﻜﻮﻥ ﻛﺘﻴﺮ ﺣَﻨﻮﻥ
ﻋﺎﻫﺪﺗﻚ ﺃﻛﻮﻥ ﻟﻚ ﺍﻟﻌﻤﺮ ﻭﺍﻓﻲ
ﻭﺃﻋﻴﺶ ﻓﻲ ﺣﻀﻦ ﻗﻠﺒﻚ ﺍﻟﺪﺍﻓﻲ
ﻭﺍﺣﺴﺎﺳﻲ ﺑﺤﺒﻚ ﻛﺎﻥ ﻟﻲ ﻛﺎﻓﻲ
ﻛﻨﺖ ﺷﺎﻳﻔﻪ ﻓﻴﻚ ﺻﻮﺭﻩ ﺗﺎﻧﻴﻪ
ﻣﺎ ﺗﻘﺪﺭﺷﻲ ﺗﺄﺳﻲ ﻭﻟﻮ ﺛﺎﻧﻴﻪ
ﺷﻮﻓﺖ ﻓﻴﻚ ﻓﺎﺭﺱ ﺃﺣﻼﻣﻲ
ﻭﺑﻴﻚ ﻛﻨﺖ ﻃﺎﻳﺮﻩ ﻓﻲ ﺍﻟﻌﺎﻻﻟﻲ
ﻛﻨﺖ ﺑﺸﻮﻓﻚ ﻟﻴﻼﺗﻲ ﺑﻤﻨﺎﻣﻲ
ﻭﺭﺳﻤﺘﻚ ﺻﻮﺭﻩ ﻓﻲ ﺧﻴﺎﻟﻲ
ﺑﺲ ﻳﺎﺧﺴﺎﺭﻩ
ﺍﻟﺼﻮﺭﺓ ﻣﺶ ﻫﻴﺎ ﺻﻮﺭﺗﻚ
ﻭﻻ ﺣﻠﻤﻲ ﻛﺎﻥ ﻫﻮ ﺣﻠﻤﻚ
ﻭﺿﺎﻋﺖ ﺑﻴﻨﺎ ﻛﻞ ﺍﻷﻣﺎﻧﻲ
ﺿﺎﻉ ﺃﺣﻠﻲ ﺣﻠﻢ ﻓﻲ ﺃﺣﻼﻣﻲ
ﻣﻦ ﻛﺘﺮ ﻣﺎ ﻛﻨﺖ ﻣﻨﻚ ﺑﻌﺎﻧﻲ
ﻣﺎ ﺇﻧﺖ ﻛﻨﺖ ﻣﻌﺎﻳﺎ ﻗﺎﺳﻲ
ﻭﻗﻠﺒﻚ ﻋﻠﻴﺎ ﻛﺎﻥ ﺟﺎﻓﻲ
ﺇﻧﺖَ ﻓﺎﻛﺮ ؟
ﺇﻧﺖَ ﻓﺎﻛﺮ ﻭﻻ ﻧﺎﺳﻲ
ﻛﻨﺖ ﺑﺘﻌﺰﻑ ﺃﻟﺤﺎﻧﻚ
ﻋﻠﻲ ﺑﺮﻛﺎﻥ ﻏﻀﺐ
ﻟﻤﺎ ﺇﺣﺴﺎﺳﻲ ﺑﻴﻚ
ﻣﺎﻋﺎﺩ ﻓﻲ ﻗﻠﺒﻲ ﻭﺍﻧﺸﻄﺐ
ﺭﺣﻤﺎﻙ ﺭﺑﻲ ﻣﻦ ﻫﺬﺍ ﺍﻟﻐﻀﺐ
ﺁﺍﺍﺍﺍﺍﺍﺍﻩ ﻳﺎﻗﻠﺒﻲ ﺭﺣﻤﺎﻙ
ﺃﻣﺎ ﻋﺎﺩ ﻟﻠﻌﺬﺍﺏ ﺳﻮﺍﻙ
ﺃﻟﻢ ﻳﺠﻬﺪﻙ ﻃﻮﻝ ﺍﻟﻌﻨﺎﺀ
ﺃﻟﻢ ﺗﻨﺎﺟﻲ ﻓﻴﻪ ﻧﺠﻮﻡ ﺍﻟﺴﻤﺎﺀ
ﺃﻟﻢ ﺗﺘﺤﺪﻱ ﻣﻦ ﺃﺟﻠﻪ ﺍﻟﺒﺸﺮ
ﻭﺗﻘﻮﻝ ﺇﻥ ﺍﻟﺤﺐ ﺃﻣﺮ
ﻭﻛﺎﻥ ﻛﻼﻣﻚ ﻳﺎ ﺃﻏﻠﻲ ﺍﻟﻨﺎﺱ
ﻻ ﻧﺒﺾ ﻓﻴﻪ ﻭﻻ ﺇﺣﺴﺎﺱ
ﻭﺣﺒﻚ ﻛﺬﺑﻪ ﻭﻣﺎ ﻛﺎﻥ ﻟﻪ ﺃﺳﺎﺱ
ﻭﺃﻧﺎ ﻳﺎﺣﺒﻴﺒﻲ
ﻗﻠﺒﻲ ﻛﻤﺎ ﺍﻷﻟﻤﺎﻅ
ﻧﺒﻀﻪ ﺇﺣﺴﺎﺱ
ﻭﻋﻤﺮﻩ ﻣﺎ ﻳﻮﻡ ﺇﻧﺪﺍﺱ
ﺳﺎﻣﻌﻨﻲ ؟
ﺳﺎﻣﻌﻨﻲ ﻳﺎ ﺍﻏﻠﻲ ﺍﻟﻨﺎﺱ ؟
ﺃﻧﺎ ﻗﻠﺒﻲ ﺃﺑﻴﺾ ﺑﻴﺎﺽ ﺍﻟﻔﻞ
ﺑُﺴﺘﺎﻥ
ﻋِﻄﺮﻩ ﻳﻔﻮﺡ ﻉ ﺍﻟﻜﻞ
ﻭﺣﺎﻟﻚ ﻳﺎﺭﻭﺣﻲ ﻣﺎ ﻛﺎﻥ ﻳﺴﺮ
ﻭﺑﻌﺪ ﻛﻞ ﺩﺍ ....
ﻟﺴﻪ ﻓﺎﻛﺮ ﺇﻧﻲ ﻫﺎﻣﻮﺕ ﻋﻠﻴﻚ
ﻭﻻ ﺭﺍﺡ ﺃﺣﺰﻥ ﻳﻮﻡ ﻋﻠﻴﻚ
ﻻ ..... ﻻ ﻳﺎﺭﻭﺡ ﻗﻠﺒﻲ
ﻻ ﻳﺎﻧﺒﺾ ﻋﻤﺮﻱ
ﻻ ... ﻻ ﻳﺎ ﺃﻧﺎ
ﺃﻧﺎ ﻣﺶ ﻫﺎﺃﻓﻀﻞ ﺃﺳﻴﺮﻩ ﻟﻬﻮﺍﻙ
ﺩﺍ ﺃﻧﺎ ﻋﻤﺮﻱ ..
ﻣﺎ ﻛﻨﺖ ﻳﻮﻡ ﺳﻌﻴﺪﻩ ﻣﻌﺎﻙ
ﻭﺧﻼﺹ ......
ﺧﻼﺹ ﺃﻧﺎ ﻣﺶ ﻫﺎﺑﻘﻲ ﺗﺎﻧﻲ ﻋﻠﻴﻚ
ﻭﻻ ﺭﺍﺡ ﺃﺧﺎﻑ ﻭﺃﻗﻠﻖ ﻋﻠﻴﻚ
ﻭﻻ ﻋﻴﻨﻲ ﻫﺎﺗﺒﻜﻲ ﻓﻲ ﻳﻮﻡ ﻋﻠﻴﻚ
ﻭﻛﻔﺎﻳﻪ ....
ﻛﻔﺎﻳﻪ ﻳﺎ ﻛﻞ ﺍﻟﻜﻮﻥ
ﻛﻔﺎﻳﺎﻙ ﺣﺒﻴﺒﻲ ﻇﻨﻮﻥ
ﺩﺍ ﺃﻧﺎ ﻛﻨﺖ ﺑﻴﻚ ﻣﻔﺘﻮﻥ
ﻭﻗﻠﺒﻲ ﺑﺤﺒﻚ ﻣﺮﻫﻮﻥ
ﻭﻋﻘﻠﻲ ﻣِﻨﻚ ﻛﻤﺎ ﺍﻟﻤﺠﻨﻮﻥ
ﻛﻔﺎﻳﻪ .....
ﻛﻔﺎﻳﻪ ﻛﻨﺖ ﺃﻣﻠﻲ
ﻛﻨﺖ ﺭﻭﺣﻲ
ﻛﻨﺖ ﺍﻟﺒَﻠﺴﻢ ﻟﺠﺮﻭﺣﻲ
ﻭﺩﻟﻮﻗﺘﻲ .......
ﺑﻘﻴﺖ ﺳﺒﺐ ﻧﻮﺣﻲ
ﻣﺎﻫﻮ ﺇﻧﺖ ﻛﻞ ﺟﺮﻭﺣﻲ
ﻭﻣﺴﻴﺮﻙ ....
ﻣﺴﻴﺮﻙ ﻫﺎﺗﻌﺮﻑ
ﺃﻧﺎ ﺃﺩ ﺍﻳﻪ ﻛﻨﺖ ﺑﺤﺒﻚ
ﻭﻛﻨﺖ ﺑﺎﺃﺗﻤﻨﻲ ﻗﺮﺑﻚ
ﻛﺎﻥ ﺣﺒﻲ ﻟﻴﻚ ﻣﺎ ﻟﻮﺵ ﺣﺪﻭﺩ
ﻛﺎﻥ ﻟﻴﺎ ﻛﻞ ﺍﻟﻮﺟﻮﺩ
ﻣﺴﻴﺮﻙ
ﻣﺴﻴﺮﻙ ﻫﺎﺗﻌﺮﻑ .. ﺍﺩ ﺍﻳﻪ
ﻛﺎﻥ ﺍﺭﺗﺒﺎﻁ ﻗﻠﺒﻲ ﺑﻘﻠﺒﻚ
ﻭﺇﻣﺘﺰﺍﺝ ﺩﻣﻲ ﺑﺪﻣﻚ
ﻭﻓﻜﺮﻱ ﻛﺎﻥ ﻫﻮ ﻓﻜﺮﻙ
ﻣِﺴﻴﺮﻙ ﻫﺎﺗﻌﺮﻑ
ﺇﻥ ﻛﺎﻥ ﻣﻨﺎﻳﺎ ﺗﻔﻀﻞ ﺟﺎﻧﺒﻲ
ﻭﺇﻥ ﺑﻌﺎﺩﻙ ﻛﺎﻥ ﻏﺼﺐ ﻋﻨﻲ
ﻣﺎﺃﻧﺎ ﻛﺎﻥ ﻧﻔﺴﻲ ﺃﺷﻮﻓﻚ ﻣﺘﻬﻨﻲ
ﺑﺲ ﻳﺎﺧﺴﺎﺭﻩ
ﻳﺎﺧﺴﺎﺭﻩ ﺍﻟﻔﺮﺍﻕ ﺩﺍ ﻣﺶ ﺑﺎﻳﺪﻱ
ﺩﺍ ﻧﺼﻴﺒﻚ .... ﻭﻧﺼﻴﺒﻲ
ﻭﻣﺴﻴﺮﻙ ﻫﺎﺗﻌﺮﻑ
ﻣﺴﻴﺮﻙ ﻫﺎﺗﻌﺮﻑ
ﺻﻔﺎﺀ ﻋﺒﺪ ﺭﺑﻪ