عيدي من غيرها... بقلم الشاعر محمد عبدة ـ مجلة نجوم الأدب والشعر

وادي عيد تاني من غيرها
حبيبتي اللي أنا قلبي أختارها
من غيرها الدنيا مالهاش طعم
يارب صبرني وصبرها
حبي ليها ده مش ضعف ده بيقويني
وحبها ليا فوق الوصف ده من الخوف يحميها
مهما عدت الأيام مش هنساكي لو تنسيني
أيوه هفضل فاكرها مهما غابت لياليها
كل عيد وكل فرحه وكل وقت
أنت كل حاجه أنت أحن قلب
معاك أنت عرفت معني الحياة فرحت
بعدك أنت يا حبيبتي مفيش حب
سمعت أن في عيد وفي ناس بتفرح بيه
سالت نفسي هو أنا مش من الناس دي ليه
ولا مش مكتوب عليا أفرح حتي في وقت الفرح
ولا هو العيد عمر ما يبقي عيد عشان أنت مش معايا فيه
كان نفسي أفرح بس الفرحه من غيرك مستحيل
قالو عيد قولت جايز لقيت مفيش دليل
كائن الفرح مخاصمني نهار ويا ليل
لان أنت الحياه وأنت الحب الوحيد
كائن نجمه مع القمر تاهت في السما
أو ليله عشق وسهر وحلم ويا الهواء
كان بينا وعد أننا نعيش سوا
وكائن فراقك شبه يوم الوعيد
وادي عيد كمان وغايب عني ضلي
غاب عني حبي والعمر اللي فاضلي
لو سالت كل الناس عن غيابك عني
هتعرف إني عايش بموت
يا زمن لما أنت ناوي فراق طب كنت قولي
ولا أنت قاصد جرحي قاصد كسري وزلي
ليه بعدت عني أغلي حاجه في عمري
مجروح وساكت مش قادر أطلع صوت
يا عيد أنت جاي بفرح ولا تفكرني بالم
جاي تفتح جرح تاني في قلب أتظلم
أتظلم من الدنيا وخلاص فقد الأمل
أن الدنيا فيها خير ما خلاص مات العشم
يا عيد يلي جاي خليني بعيد براءه
أنا ما أعرفكش ولا بقت ليا طاقه
في غيابة بعد الأيام والأيام سراقة
ويوم وري يوم يعدي في غيابة الوقت صعب
ما بقاش فيا قلب ولا قادر أتحمل
بدات أنا في طريق وخلاص مش عايز أكمل
ولما ما كنتش قادر بدات ليه مــ الأول
قولت هيبقي جنبي قلب جوه قلب
خلاص سابني لوحدي وبقي عني بعيد
سبب هنايا وسعدي في بعاده بقيت وحيد
بدعي ربنا يسعدها ويجعل حياتة كلها عيد