ﻣﻔﻴﺶ ﻓﺎﺋﺪﻩ..بقلم الشاعر المصري ﻣﻨﺼﻮﺭ ﻋﺒﺪ ﺍﻟﻤﻘﺼﻮﺩ- مجلة نجوم الأدب والشعر

ﻣﻔﻴﺶ ﻓﺎﺋﺪﻩ
ﻣﻔﻴﺶ ﻓﺎﻳﺪﻩ ﻗﺎﻟﻮﻫﺎ ﻛﺘﻴﺮ
ﻭﻣﺶ ﻓﺎﻫﻢ ﻟﻬﺎ ﻣﻌﻨﻰ
ﻟﻘﻴﺖ ﺍﻟﻄﻔﻞ ﻓﻰ ﺑﻼﺩﻯ
ﺷﺎﻳﻞ ﻗﻠﻤﻪ ﻭﻛﺮﺍﺳﻪ
ﻭﺗﺎﻋﺐ ﻧﻔﺴﻪ ﻣﻊ ﻧﺎﺳﻪ
ﻭﺑﻴﺤﺎﺭﺏ ﻋﺸﺎﻥ ﻳﻔﻬﻢ
ﻭﻳﻔﻬﻢ ﻟﻴﻪ
ﻭﻧﻔﺴﻪ ﻓﻰ ﺍﻳﻪ .؟
ﺍﻛﻴﺪ ﻳﻌﻨﻰ ﺑﻴﺘﻌﻠﻢ
ﻋﺸﺎﻥ ﻟﻴﻠﻪ ﻳﻜﻮﻥ ﻋﺎﻟﻢ
ﻳﻜﻮﻥ ﺷﺎﻋﺮ ﻳﻜﻮﻥ ﻓﻨﺎﻥ
ﻓﻴﻮﺻﻞ ﻟﻴﻠﻪ ﺑﻨﻬﺎﺭﻩ
ﻭﻳﺘﺨﺎﻧﻖ ﻣﻊ ﺟﺎﺭﻩ
ﺍﺑﻮﺱ ﺍﻳﺪﻙ ﺗﻮﻃﻰ ﺍﻟﺼﻮﺕ
ﻋﺎﻭﺯ ﺍﻧﺠﺢ ﻋﺎﻭﺯ ﺍﻓﻠﺢ
ﻓﻴﺘﺨﺎﺻﻢ ﻣﻊ ﺍﻟﻜﻮﺭﻩ
ﻭﻳﺘﺨﺎﺻﻢ ﻣﻊ ﺍﻟﺴﻴﻤﺎ
ﻭﻳﺘﺨﺎﺻﻢ ﻣﻊ ﺍﻟﺪﻧﻴﺎ
ﻛﺄﻥ ﺍﻟﺪﻧﻴﺎ ﻣﺎ ﻓﻴﻬﺎ
ﻏﻴﺮ ﺍﻟﻤﻨﻬﺞ ﻭﻛﺮﺍﺳﻪ
ﻛﺄﻧﻪ ﻳﺎ ﻋﻴﻨﻰ ﺑﺎﺕ ﻣﺴﺠﻮﻥ
ﻭﻧﺎﺳﻪ ﻗﺎﻋﺪﻩ ﺣﺮﺍﺳﻪ
ﻭﻓﻰ ﺍﻟﻠﺠﻨﺔ
ﺑﺘﺘﺴﺎﻭﻯ ﺭﺅﻭﺱ ﺍﻟﻨﺎﺱ
ﺗﺬﺍﻛﺮ ﺯﻯ ﻣﺎ ﺗﺬﺍﻛﺮ !!
ﻭﻻﺩ ﺍﻟﻨﺎﺱ
ﺑﺘﺪﺧﻞ ﻓﺎﺗﺤﺔ ﻛﺮﺍﺳﻬﺎ
ﻫﻴﺪﺧﻞ ﻳﺘﺰﻧﻖ ﺳﺎﻋﺔ
ﻭﻣﻠﻴﻮﻥ ﺍﻳﺪ ﺑﺘﻜﺘﺒﻠﻪ
ﻭﻣﻠﻴﻮﻥ ﺍﻳﺪ ﺗﻄﺒﻄﺒﻠﻪ ﻋﻠﻰ ﺿﻬﺮﻩ
ﻣﺘﻨﺴﺎﺵ
ﺍﻥ ﺍﺣﻨﺎ ﺧﺪﺍﻣﻚ
ﺗﻨﺎﺩﻯ ﻭﺍﺣﻨﺎ ﻗﺪﺍﻣﻚ
ﻧﺄﺩﻯ ﺍﻟﻔﺮﺽ ﻭﺍﻟﻤﻔﺮﻭﺽ
ﺍﻣﺎﻧﺔ ﺗﺒﻠﻎ ﺍﻟﻐﺎﻟﻰ ﺗﺤﻴﺎﺗﻰ
ﺗﺤﻴﺎﺗﻰ ﻟﻤﺎ ﺗﺘﺴﺎﻭﻯ
ﺍﻟﺮﺅﻭﺱ ﻓﻴﻜﻰ
ﻭﺍﻻﻗﻰ ﺍﻟﻠﻰ ﻗﻠﻴﻞ ﻓﻬﻤﻪ ﺑﻴﺒﻨﻴﻜﻰ
ﻓﻴﺒﻨﻴﻜﻰ ﺑﻼ ﺍﺳﺎﺳﺎﺕ
ﻣﺪﺍﻡ ﻋﻠﻤﻚ ﺑﻘﻰ ﻭﺭﺍﺋﺔ
ﻣﺪﺍﻡ ﺍﺩﺑﻚ ﺑﻔﻰ ﻭﺭﺍﺛﺔ
ﻣﺪﺍﻡ ﻓﻨﻚ ﺑﻘﻰ ﻭﺭﺍﺋﺔ
ﻣﺪﺍﻡ ﺷﻌﺮﻙ ﺑﻘﻰ ﻭﺭﺍﺛﺔ
ﻣﺪﺍﻡ ...................
ﻣﺪﺍﻡ ..................
ﻣﺪﺍﻡ ﺍﻟﻘﺪﻭﺓ ﺭﻗﺎﺻﺔ
ﻣﻔﻴﺶ ﻓﺎﻳﺪﺓ