ﻋﺎﺷﺖ ﺩﻣﺎﻏﻲ
ﻣﻮﻟﻌﻪ ﻣﺪﻟﻌﻪ
ﺭﺍﻓﻀﻪ ﺍﻟﻜﻼﻡ . ..
ﻭﻣﻬﺪﻟﻪ ﻣﺘﻜﺤﻮﻟﻪ
ﺑﻬﺪﻳﻞ ﺣﻤﺎﻡ
ﻣﺘﺒﻬﺪﻟﻪ ﻭﻣﻮﻟﻮﻟﻪ
ﻋﻠﻲ ﻣﻴﺖ ﻣﻘﺎﻡ
ﻳﺎ ﺃﻫﻞ ﺍﻟﺴﻼﻡ ....
ﻫﺰﻭﺍ ﺩﻣﺎﻏﻜﻢ ﻡ ﺍﻟﻘﻠﻖ
ﺭﻭﺣﻮﺍ ﺇﺳﺘﻌﻴﺬﻭﺍ ﺑﺎﻹﻟﻪ
ﻣﻦ ﻛﻞ ﺷﻴﻄﺎﻥ ﺇﺗﺨﻠﻖ
ﻭﺧﻤﻴﺴﻪ . ﻋﻠﻲ ﺩﺍﺭ ﺍﻟﺴﻼﻡ
ﻳﺎ ﺧﻠﻖ ﻫﻮﻩ .. ﺭﻭﺣﻮ ﺇﻣﺴﻜﻮﻩ
ﺩﺍ ﻣﻔﻴﺶ ﺳﻼﻡ
ﻋﻠﻲ . ﻣﺦ . ﻻ ﺑﺲ ﻣﻴﺖ ﻏﻠﻖ ...
ﻋﺎﺷﺖ ﺩﻣﺎﻏﻲ ﻑ ﺍﻟﻬﻮﺍ .
ﻣﺘﻌﻠﻘﻪ ﺑﻐﺒﺎﺭ ﻑ ﺭﻳﺢ
ﺯﻋﺎﺑﻴﺒﻪ . ﻛﺒﺴﻮﻟﺔ ﺩﻭﺍ
ﻭﻟﺒﻮﺳﻪ . ﻓﺎﻳﺘﺔ ﻑ ﻣﻴﺖ ﺿﺮﻳﺢ
ﺗﻨﻔﺦ ﻑ ﻓﺨﺪﻩ ﺍﻟﻠﻲ ﺇﻧﻜﻮﻱ
ﻭﺗﺒﻴﺾ . ﻓﺴﻴﺦ ..
ﻣﻨﻘﻮﻋﻪ . ﺷﺮﺑﺔ . ﻣﺮﻗﺘﻪ
ﻣﺘﻠﻄﻌﻪ . ﺭﻃﻠﻴﻦ . ﻑ ﺳﻴﺦ
ﺩﻭﻗﻮﺍ ﺑﻘﻲ . ﻃﻌﻢ ﺍﻟﻬﻨﺎ
ﻭﺑﻌﺪ .ﺗﻜﺮﻳﻌﺔ . ﺳﻨﺔ
ﺭﻭﺣﻮﺍ . ﺇﺳﻤﻌﻮﺍ ﺍﻟﺪﻳﻚ ﺍﻟﻔﺼﻴﺢ ..
ﻭﺃﻭﻋﺎﻛﻮﺍ ﻣﺮﻩ . ﺗﺮﻗﻌﻮﺍ ﺳﻄﺮﻳﻦ ﻛﻼﻡ
ﺧﻠﺺ ﺍﻟﻜﻼﻡ . ﻳﺎ ﺃﻫﻞ ﺍﻟﺴﻼﻡ
ﻭﻣﻌﺪﺵ ﻳﻨﻔﻊ . ﻳﻄﺒﻊ
ﺃﺻﻞ ﻣﺨﺎﺿﻪ ﻑ ﺍﻟﻮﺭﻕ
ﺷﻲﺀ ﻣﺶ ﺻﺤﻴﺢ ..
ﻳﺎ ﻛﻮﺯ ﺻﻔﻴﺢ
ﻳﻨﻔﻊ ﺗﺴﻘﻊ ﻣﻴﺘﻲ
ﻭﺗﻨﺪﻱ . ﻋﻠﻲ ﺧﻴﺒﺔ ﺃﻣﻞ
ﻭﺗﺸﻄﻒ ﺍﻟﻤﺦ ﺍﻟﻠﻲ ﺷﺎﻳﻞ
ﻣﻦ ﻣﺪﻩ ﺗﺤﻮﻳﺸﺔ ﻫﺒﻞ
ﻟﻮ ﻣﺶ ﻫﺘﺮﺿﻲ . ﺗﺸﺮﺑﻪ
ﺑﻼﺵ ﺗﺴﻤﻪ ﻑ ﻣﺸﺮﺑﻪ
ﺧﻠﻴﻪ ﻳﻌﻴﺶ ..
ﻟﻮ ﺣﺘﻲ ﻋﻠﻲ ﻧﻌﺮﺓ ﺍﻣﻞ .....
ﺩﺍ ﺣﺘﻲ ﻟـــﻮ . ﺃﺟﻠﻪ ﺇﻧﺘﻬﻲ
ﻳﻤﻜﻦ ﻳﻜﻮﻥ ﻟﻪ ﻑ ﺍﻷﻧﺎﻡ
ﻗﺒﻠﺔ ﻭﻣﻘﺎﻡ ..
ﻳﻤﻜﻦ ﻳﻜﻮﻥ ﻟﻪ ﻑ ﺍﻷﻧﺎﻡ
ﻗﺒﻠﺔ ﻭﻣﻘﺎﻡ ..
------------------------------
موضوع: ﻋﺎﺷﺖ ﺩ ﻣﺎ ﻏﻲ ﻣﺴـﺘـﻘـﻠـــﻪ .. ﻟﻠﺸﺎﻋﺮ المصري ﻣﺤﻤﺪ ﻋﺒﺪ ﺍﻟﻔﻀﻴﻞ - مجلة نجوم الأدب والشعر 
الخميس أبريل 28, 2016 8:41 am
