ﺍﻟﻠﻪ ﻛﺮﻳﻢ ﻳﺎﻋﺮﺏ..بقلم الشاعرة ﻣﻬﺎ ﺧﻔﺎﺟﻲ_ مجلة نجوم الأدب والشعر

ﺍﻟﻠﻪ ﻛﺮﻳﻢ ﻳﺎﻋﺮﺏ"""****
***************************************
ﻟﻴﻪ ﺍﻟﺤﺰﻥ ﻓﻲ ﻋﻴﻮﻧﻚ ﺭﺍﻓﻊ ﻛﺪﻩ ﺭﺍﻳﺎﺗﻪ
ﻟﻴﻪ ﻣﺴﺠﻮﻥ ﻓﻲ ﺟﺮﺣﻚ ﻣﺪﺑﻮﺡ ﺑﺂﻫﺎﺗﻪ
ﻟﻴﻪ ﺍﻟﺰﻣﻦ ﻣﻦ ﺑﺪﺭﻱ ﻳﺴﻘﻴﻚ ﻋﺬﺍﺑﺎﺗﻪ
ﺗﻘﺎﺳﻲ ﻣﺮ ﺍﻟﻔﺮﺍﻕ ﻭﺗﻐﻠﻔﻚ ﻣﺮﺍﺭﺍﺗﻪ
ﻣﺤﺘﺎﺟﺔ ﺣﺪ ﻳﺠﺎﻭﺑﻨﻲ ﻭﻳﻮﺿﺢ ﺍﺟﺎﺑﺎﺗﻪ
ﺩﻩ ﻃﻔﻞ ﻟﻴﻪ ﻧﺤﺮﻣﻪ ﻣﻦ ﺣﻠﻤﻪ ﻭ ﺃﻣﻨﻴﺎﺗﻪ
ﺣﺮﺍﻡ ﻧﻬﺰﻡ ﺿﺤﻜﺘﻪ ﻭﻓﺮﺣﺔ ﺣﻜﺎﻳﺎﺗﻪ
ﻭﻧﺴﻬﺮ ﻧﺮﺳﻢ ﻓﻲ ﻋﻤﺮﻩ .. ﺑﻴﺖ ﻟﺪﻣﻌﺎﺗﻪ
ﻭﻧﺎﺧﺪ ﺍﻟﺨﻮﻑ ﻣﻦ ﺑﻜﺮﺓ .. ﻧﺴﻜﻨﻪ ﻧﺎﻳﺎﺗﻪ
ﺍﻟﻠﻪ ﻛﺮﻳﻢ ﻳﺎﻋﺮﺏ .. ﺍﺳﺘﻮﺩﻋﻨﺎﻩ .. ﺣﻴﺎﺗﻪ