يا ناس كفايه بقا حرام ....
أبوالعيال مش عارف ينام ..
ولا يتهنى بالاحلام ...
من يوم بس خلص العيد ...
وتانى يوم بدء عام دراسى جديد ..
والمصاريف على أبوالعيال بتزيد ..
ومفيش حاجه طالعه فى الايد ...
مرتحشى من العيد ومصاريفه ...
جه العام الدراسى بكتبه وكراريسه ..
ومقلمة وبرجله ودبابيسه ..
وأبوالعيال مفش حد يغيثه ..
والمدرس الخصوصى مستنى براديسه ..
شغال يا عينى ليل ونهار ...
يتغدى ويحرم نفسه من الفطار ...
علشان يقدر يلبى طلبات الدار ...
ويقدر على مصاريف الصغار ...
مطلوب منه هدوم للمدرسه ...
وكتب وادوات هندسه ..
غير بقا الدروس الخصوصيه ...
وآه لو عنده اتنين فى الكليه ...
يبقى مش هتكفى النقديه ...
والحياه هتبقى رضيه ...
فيها أيه لو المدارس كانوا أجلوها ...
علشان يستعدوا والحاجه الناقصه يجبوها ..
بدل ما أصحاب الأولاد يطحنوها ...
يا رب أنت الكبير ...
يسر لنا كل امر عسير ...
وأرحمنا يا رب من التفكير ...
دعوه من القلب يا رب بضمير ..