أشتغالات ... بقلم الشاعر المصري عادل الشهابي- مجلة نجوم الأدب والشعر

أشتغالات أشتغالات ...
من الشباب ويا البنات ...
على الفيس كمان بالذات ..
بنت تلاقيها وحشه نيله ...
وحاطه صورة بنت جميله ..
ومجننه الشباب يا حليله ..
يادوبك بتفك الخط ...
وتقولك ميرسى وطنط ...
تكتب أنا عاوزه أضافه ...
بسرعه يلا يا لطافه ..
وأول الأضافه ما تروح لها ...
تنشرها بين ولاد عمها ...
آل أيه كل الشباب بتحبها ..
مالك يا بنت يا بايره ..
عنيكى ليه على الشباب حايره ...
يا سلام لما تتكلم بأتيكيت ..
تقول دكتوره فى جامعه مش ست بيت..
ولو شفتها تندم أنك على أميلها مريت ..
وأدى شاب يا ناس من الشباب ...
محترف نصب وكداب ....
يكلمك على أنه صبيه ...
بدلع ومياعه و حنيه ..
وبكلام الشوق والرومانسيه ..
مش عارف أيه هيستفيدوا ...
لما فى الاشتغالات يعيدوا ويزيدو ..
ليه مفيش بس أحترام ...
وبين الأصدقاء يتعملوا بأمان ...
أصلهم متعودين على الأشتغالات ..
شباب يا ناس ويا بنات .