السياحه فى مصر..بقلم الشاعر المصري رفعت فايد - مجلة نجوم الأدب والشعر

فى مصر أقدم حضاره..... منقوشه عالجدران
اّثارها باقيه حقب .. تتحدّى كل زمان
أهرام .. معابد .. مسلّات ..من حجر صوّان
تماثيل مع أعمده ... تحكى على اللى كان
نحتها مصرى أصيل .. بهندسه و إتقان
الدنيا كات حوله ضلمه..وبلده. مناره للإنسان
نشر علومه وفنّه... اتعلّم العالم
وف عصرنا جم يشوفوا ... انبهرت العالم
جوّ وشواطىء... وموقع عالخريطه فريد
بحرين ونهر عظيم .. وسفارى صحرا بعيد
مفيش مكان زيّنا .. وجماله فى الدنيا
ولا حلو كما طبعنا .. ولا نكته ولا غنوه
ورغم ذلك السياحه... فى بلدنا قليل
ودا بالمقارنه بغيرنا... الجو عنده بخيل
لا فى اّثار زيّنا ... ولا سحر وادى النيل
ورغم ذلك يزوره.. سواح كتير جدا
أكتر من اللى يجونا ... بكتير عددا
لأنهم فى السياحه .. منظّمين باتقان
من أول التاكسى للمرشد وأى انسان
الحل : نهتمّ وننظّم ويبقى قانون
يقضى على الفوضى فى شركات بلا مضمون
لازم نتابع بجد... ونحاسب التقصير
مفيش مجامله .. ولا معلش دا ابن وزير
يتعيّن الكفء... والمرشد يكون مصرى
دارس وفاهم تاريخنا .. مش دخيل حشرى
له يونيفورم مميّز ... وباص جميل معروف
خاص بسياحة بلدنا ... مش ميكروباص مهفوف
وتاكسى برضه معيّن .... سوّاقه مش طمّاع
شياكه لبسه وشكله ....حلو مش جعجاع
وفندق الضيف كذلك ... يهتمّ بالنزلاء
غرف نضيفه.. وناس يتعاملوا كالنبلاء
وتاجر أمين فى المعامله... يبيع بذمّه ودين
يبيع بسعر كما بيبيع لمصريين
مش يستغلّ الضيوف... ويبيع بسعر كتير
ويقول دا سايح غريب.. خلّى فلوسه تطير
منظومه عاوزه اهتمام ... دا دخل مش ساهل
لو مصر تهتم ...رح تجنى م السياحه كتير .
..........................رف