زمان.. بقلم اشاعر محمد محمد الشاعر_مجلة نجوم الأدب والشعر

زمان
-------
وشجر السنط
كان ساكن
على الترعه
وبيغازل
ف ورد النيل
وكانت
ضفدعه
خضرا
بتتسابق-وصوتها
على الملا طالع
وفي القمرا
تسلي الليل
وكان موالي يتعالى
ويرجع صوتي
لوداني
يسمعني اللي
غنيته
وانا ماشي
على الترعه
وييجي الفجر
يروي نداه
حشيشه ماده
فوق الجسر
وانا ع الدار
خطايا سابقا
أحلامي
وعاوز انام
وأسهر تاني
من تاني على
الترعه
واشيل الصمغ
م السنطه
وألزق بيه حكاويه
ولما كبرت
ماعادتش
الحكاوي تلذ
ولا عادشي
لصوت
الدفضعه رنه
وجارت كل إيد
جايره
وقطعت سنطتي
م الجدر
ومات الورد
جوه النيل