أنا. والأوفياء ... بقلم اشاعر رفعت فايد - مجلة نجوم الأدب والشعر

أنا وفنجانى وتالتنا القلم سهران
وفاء وحب م النادر... فى عالم عزّ فيه الانسان
يجود فنجانى بالرّشفه... يقول قلمى بألف هنا
وياخد فكرتى منّى ... يسطّرها جمال وغنا
أنا فنجانى بن تقيل
ومتحوّج بحب الهيل
وعربى أصيل
يخلّينى أقول مواويل
فيطرب للمعانى قلمى
وينزل عالورق تقبيل
وكل رشفه م الفنجان
تونّس وحدتى ف ليلى
كأنّى ف صحبه م الندمان
فشكرا قهوتى وقلمى
معاكم بعزف الألحان .