الأمل بحار بيغزل موج البحر ايات... بقلم الشاعرة إيمان سلطان ـ مجلة نجوم الأدب والشعر

الأمل بحار بيغزل موج البحر ايات
نرتلها ننغمها نتعبد بيها اهات
نفصلها توب لايق على الأحلام
ونركبها مركب شمس
فى شريان واصل
مابين بكره والأمس
يمكن تجود الأرض
بحلم مهوش بهتان
ولاظل ملوش امان
ولا قلب مفوش مكان
لدمع تايه على الشطأن
اه يابكره لو تعرفلنا عنوان
ابعته بسرعه
للعمر إلى كان
يمكن يمكن تتغير الأحوال
وتتولد شمس من قلب الظلام
ويبقى القمر ليله بلا سجان
ويبقى الحب حر
مش ساكن غرفة الإنعاش