ﻧﻤﺸﻲ ﻓﻲ ﺍﻟﺤﻴﺎﻩ ﺃﻳﺎﻡ
ﻧﻌﻴﺸﻬﺎ ﺣﻘﻴﻘﺔ ﻭﺃﺣﻼﻡ
ﻭﻧﺴﺘﻨﻲ ﻳﺎﺑﻜﺮﺓ ﻓﺮﺣﻨﺎ
ﻳﻬﻞ ﺣﻘﻴﻘﺔ ﻣﺶ ﺍﻭﻫﺎﻡ
.....
ﻭﺗﺪﻭﺭ ﺍﻟﺴﻮﺍﻗﻲ ﺑﻘﻠﻮﺑﻨﺎ
ﻧﻠﺤﻘﻬﺎ ﻭﺳﺎﻋﺎﺕ ﺗﺴﺒﻘﻨﺎ
ﺗﻄﻠﻊ ﻭﺗﻨﺰﻝ ﺗﺪﻳﻨﺎ ﻭﺗﺴﺮﻗﻨﺎ
ﻭﺑﻴﻦ ﺩﻩ ﻭﺩﻩ ﻧﻌﻴﺶ ﺍﻷﻳﺎﻡ
......
ﻭﺃﻧﺎ ﻑ ﺑﺤﺮﻫﺎ ﺑﻼ ﻣﺠﺪﺍﻑ
ﺿﺤﻜﺔ ﺿﺎﻋﺖ ﻭﺍﻟﻔﺮﺡ ﺧﺎﻑ
ﻭﺻﻌﺐ ﻑ ﻣﻮﺟﻬﺎ ﻣﺎ ﻧﺨﺎﻑ
ﻭﻧﻘﻮﻝ ﻳﺎﺩﻧﻴﺎ ﻋﺪﻱ ﺑﺴﻼﻡ
......
ﻳﺎﺯﺭﻉ ﺍﻟﺴﻨﻴﻦ ﺍﻣﺘﻲ ﻣﻴﻌﺎﺩﻙ
ﺭﻣﻴﺖ ﻗﻠﺒﻲ ﻭﻣﺴﺘﻨﻲ ﺣﺼﺎﺩﻙ
ﻃﺎﻝ ﻏﻴﺎﺑﻚ ﺍﻳﻪ ﺍﻟﻠﻲ ﺻﺎﺑﻚ
ﺩﺑﻠﺖ ﻭﻟﻼ ﺩﺑﻠﺖ ﻣﻼﻣﺢ ﺍﻻﻳﺎﻡ
......
ﻭﺷﻮﻳﺔ ﺫﻛﺮﻳﺎﺕ ﺗﻌﺪﻱ ﻟﻴﻨﺎ
ﺗﻔﻜﺮﻧﺎ ﺑﻌﻤﺮ ﻓﺎﺕ ﻭﺗﻨﺎﺩﻳﻨﺎ
ﻧﻔﺘﻜﺮ ﻧﻬﺎﺭﻧﺎ ﻭﻏﻨﻮﺓ ﻑ ﻟﻴﺎﻟﻴﻨﺎ
ﻭﻧﺸﻮﻓﻬﺎ ﻟﻤﺤﺔ ﺗﺸﺒﻪ ﺍﻻﺣﻼﻡ
......
ﻭﻓﺠﺄﺓ ﻧﻠﻘﻲ ﺍﻟﺰﻣﻦ ﺳﺮﻗﻨﺎ
ﻻ ﻋﺸﻨﺎﻩ ﻭﻟﻼ ﻣﺮﺓ ﻋﻴﺸﻨﺎ
ﻻ ﻓﺮﺣﻨﺎ ﻭﻟﻼ ﺣﺰﻧﻪ ﺳﺎﺑﻨﺎ
ﻭﻳﻀﻴﻊ ﺍﻟﻌﻤﺮ ﻣﻊ ﺍﻷﻭﻫﺎﻡ
......
ﻳﺎﺷﻌﺮ ﺑﻴﺎﺿﻪ ﻋﻜﺲ ﻋﻤﺮﻧﺎ
ﻋﺪﻱ ﺍﻟﺰﻣﻦ ﻓﻲ ﻟﺤﻈﺔ ﻣﻨﻨﺎ
ﻭﺧﺪ ﻣﻨﺎ ﻛﻞ ﺣﻠﻢ ﻑ ﻧﻔﺴﻨﺎ
ﻭﺍﻟﻠﻲ ﺑﺎﻗﻲ ﻓﻴﻨﺎ ﻛﺎﻥ ﻭﻛﺎﻥ
موضوع: ﻛﺎﻥ ﻭﻛﺎﻥ... بقلم الشاعر المصري أيمن بلال - مجلة نجوم الأدب والشعر 
الجمعة أكتوبر 09, 2015 8:03 am
