غيوم و غياب
و صوت مبحوح
و صوت الناي
يعد جروح
و قلب جريح
حزين مدبوح
بينزف من الوريد علقم
معادش خلاص بينزف دم
يا حزن اهمد بقي و اتلم
وسيب القلب ده في حاله
يعيشله يومين
جروحه تخف
لما يشوف حبيبته
ليه بتتبسم
و صاحب عمره بيشوفه
بيجري اوام و بيسلم
ويستلمه
ياواد مالك
تكونش حزين علي حالك
و شايل هم بكره الجاي
بتسال شكله ايه و ازاي
وشاغل بالك باللي هيجي
و الماضي
ووناسي الحاضر اللي
تملي بتسيبه كده فاضي
ماليه بس بتفكيرك في بكره الجاي
كفايه تشيل هموم كجبال
تتقل بيها احمالك
و عيش يومك و شوف حالك
بلاش تفكيرك الدايم في بكره الجاي
ينسيك باقي ايامك تعيشها ازاي