حرف جر..بقلم الشاعر المصري محمد سالم ـ مجلة نجوم الأدب والشعر

****************
إكتب على كل الورق وإلبس تياب الحُر
إنزف وصارع الغرق وإحكى حكاية شر
فيها اللى خان واللى ظلم واللى بروحه إتغر
وإروى الورق بدموع حنين والزينة تبقى حرف جر
وأنشر على كل الفصول كلمه حزين ومفيش مفر
وإنسى المحبة والأمان وإحلف بإن الصبر مُر
وأوصف مكانك فى الورق وإزاى ساعاتك فيه تمُر
قلب الجدار اللى إتحرق لما الخيانة فيك تجُر
تكتب نهاية للورق فى المفترق والحيرة آسية وفيك تضر