الأسطورة... بقلم الشاعر المصري محمد سالم ـ مجلة نجوم الأدب والشعر

الأسطورة قلب كتاب فى زمن محفورة
رسمت جوة عقولنا الحلم وإختلفت تفاصيل الصورة
والأساطير لو ليها بدايه من أيام جدك منقوله

اللى يقولك كان جبار واللى يقول عضلات مفتولة
واللى بيحلف كان مكار والمكر فى حكايات مسطورة
واللى يألف ليك روايات عن جدران بيته الملعونه

تملى حياتك بالأساطير و العتمة جواك مرهونه
قلبك عايش نبضه حنين والماضى أوهام مجنونه
عايش تصرخ جوة مرايتك فيها روايتك زى الساحر والبنورة