---------------
----------------------------------------------------
اطّمّنوا ..دا شعبنا .. ما عادش حد يخدعه
ويلوّعه .. ويضحك عليه
لأنّه فاق من غفوته.. وعرف طريقه وسكّته
وفين يحطّ خطوته....ربّه هاديه
عشان يحط عالورق موافقته ببصمته
للى يحقق مطلبه
مش يوعده ويضحك عليه
خلاص بقى فتّح عينيه
ما عادتش قوّه ترجّعه .. ولا خوف ليلقى مصرعه
أبدا مفيش
عاوز فقط بلده تعيش
وهوه يفدى أرضها .. ما حد يلمس رملها
فى بلدنا جيش
حامى حماها وشعبها ..من أى عادى يمسّها
طلع النهار ... وظالمنا طار
مع اللى خان وللى غدر .. وللى مكر
ارهاب جبان.. ضرب الأمان
عاوز يدمّر مصرنا ... لكن فشر
إحنا اسود.. وجيشنا واقف عالحدود
زى صخور البحر .. يكسر أى موج
والشرطه صاحيه بالسلاح
يرحم شهيدهم اللى راح
فدى الوطن
واحنا وراه .. مشروع شهيد
شباب وشيبه .. والنساء ام الوليد
حنطفّوا أى نار تقيد
مهما نزل من دمّنا
عشان نحقق حلمنا
وبلدنا حضن يضمّنا
بأمن وسلام ونعيش كرام
ونهتفوا من قلبنا .. الله يبارك مصرنا .