غنوة الموال .... بقلم د. سمير فوزي عمر

مدة الإدين للخلق
والكفوف فاضيًة
يعطيكي إيه الحلق
ياصابرة ياراضيًة
عاشقة سواد الليل
والدمعة ف الموال
وانتي غناكي جميل
والشمس ليها دلال
دا الحزن ياام النيل
الفرح منه عليل
والضحكة ماتنطال
أستحلفك بالله
يا شاغلة ليًا البال
تطفي شموع الآه
وتغني ف الموال
قولي لكل البشر
أنا ع الزمن قادرة
ولكل شامت فَشَرْ
للعزم مش هاجرة
أنا مصر أم الهرم
أم "نجيب"و "زويل"
ماعمر عزمي انهزم
ولا ابني عوده هزيل
ولا صرح ليًا اتردم
ولا شاف دموعي ليل
أنا مصر أم الكرم
ما انحني لعويل
وان كان ف يومي غيم
من غيمي هصنع جيل
يزرع قلوب الصًخْرْ
تطرح ضيا قناديل
زينة الكلام افعال ....ياسامعين القول
يا لا معايا امال
نزَيًن التقويل
نزرع غيطان وجبال
ونبني حلم جميل
يكون لمصر جمال
يكون لنا مواويل