المركز العاشر مكرر بمسابقة مجلة نجوم الأدب والشعر دورة يناير 2016 مجال شعر العامية الشاعر محمد وجيه / مصر .. عن قصيدته حُبك رصاص 31.5 درجة

حُبك رصاص
هَقتل حُبك في قلبي
مهما أتألم..... هَخبي
عَشَان الذنب ...ذنبي
يوم ما رضيت بالخضوع
كان حُبي لِكِ..........زيادة
عشان إنتِ معنىَ السعادة
وَهَبتك بإيدي........ عادة
يكون صوتي مش مسموع
من كُتر حبي......... لِكِ
كان خوفي كبير.. عليكِ
وأموت لو لحظة عينيكِ
شُفت فيها دموع
سعادتك كانت طموحي
لو حتى تمنها.... روحي
وإنتِ عشقتي جروحي
وفرحي بقىَ ممنوع
ساعات دَعيت بالفراق
وإني أقتل... الأشواق
ومهما يكون الإشتياق
أبعد بدون رجوع
لكن حُبك..... كََسرني
وخوفي عَليكِ أسرني
ولَقيت قلبي... أمرني
أكمل وأنا موجوع
حَبيتِ نفسك وبس
وَلا قلبك بيَّ حس
قُلت يمكن تحس
. فهمتي صبري ركوع
لكن النهارده خلاص
أنا هَقتل الإخلاص
ودا يوم الخَلاص
كفايه أعيش مخدوع
هَقتل حُبك في قلبي
مهما أتألم..... هَخبي
عَشَان الذنب... ذنبي
يوم ما رضيت بالخضوع