المركز الثالث بمسابقة مجلة نجوم الأدب والشعر دورة يناير 2016 مجال شعر العامية الشاعر عبد الله توفيق / مصر.. عن قصيدته آخر محطة 36.5 درجة

آخر محطة ع الحدود
يمكن ألاقي هناك أمل
ف بحر خالي من الشطوط
كات لحظة واحدة قصيرة
بين الحياة وبين السكوت
كات خطوة واحدة
بتجمع الدنيا ف تابوت
واتيتمت كل الآمال لحظة
قنوط
واتكتفت كل الأماني بين
خيوط العنكبوت
واتأخر القطر اللي راكبه
من سنين
والقلب لسه ف دقته حبة
حنين
كنت فاكر انها آخر محطة
للوصول
بس بأصول
ومفيش ميعاد للقطر يقفل
البيبان
الكل نازل ف المكان حسب
البيان
إعزف غناوي الضحكة لتموت
م البكا
وازرع سنين الصبر حتى
لو شكا
وابعت أنين الحب في عيون
الفراق
وارسم خيوط الدمع من كتر
البكاء
اصبر لحد السكة ما تقولك
خلاص
او تخلص العتمة ونعرف
الاختصاص
مين اللي ناوي م الصحاب
يسأل عليك
مين اللي هيبيع المحبة
ويشتريك
مين اللي رايح من هنا من
غير سؤال
مين اللي رايح يشتكي من
حظ مال
أقدار بتنده ع الأجل بس
ف سكوت
والموت بينده للي تاه بعد
السقوط
لا الموت هياخد منك اكتر م
اللي فات
ولا دنيا تديك الأمل من غير
سكات