صرخة وطن
--------
مهما أستحكم ظلمكم
العدل لازم يوم يبان
تعذيب شببنا وقتلكم
لشهيد بيصرخ م الميدان
أم الشهيد تصرخ تقول
فين حق ولدي اللي ضاع
صبرت وقلت لما اصبر هانول
لقيت الحق لابس مية قناع
فين الضمير والعدل فين
وبأي عقل وأي دين
نقتل وطن حر وأمين
ونعيش في ظلم وخداع
الشعب عارف مين بخون
والدم عمره مايوم يهون
وأشهدوا علينا ياكل الكون
راح ننتصر علي كل اللي باع
راحت فلوسنا في أيد جبان
والشعب طلع هو المدان
والمحكمه تبرئ كمان
والفقر ينهش في الجياع
دا أنا مهما تاهت سكتي
برجع وأفجر ثورتي
و بصون كرمتي وعزتي
ولازم ارجع حقي اللي ضاع
صرخة وطن بلسان شهيد
ومصر تصرخ من جديد
حبك في دمي وفي الوريد
ضحيت بروحي لجل كل اللي جاع