صباح الخير يا أمي
-------------------

وصباح الخير
علي عيونك
يا أحلي أم ف الدنيا ...
واحشني دعاكي
وفطورك ..
ورقوة ليل ف فجريه ...
وضحكه حلوه
ف بكورك
بتحضن شمس صبحيه ..
مداريه .. ومبليه
ودمعة عيني ف جفونك
يا ريت شفاكي
ف إيديا ..
علي سريرك
سنين .. وسنين
وتحت غطاكي ألف أنين ..
وكاتمه .. وضاحكه
ف عنيا ..
وشاكره .. وداعيه
رب الدين ..
وحامده
ف محنه وأسيه ...
وغاب صوتك
بقي سكوتك
كأنه لحن أغنيه ...
بيعزف م الشجن ألوان
بيدوي في أوضتي
كالكروان
ياريتها ترجع الأزمان
وتفديكي كده عنييا ...
قادر ربي في كل مكان
يعافيكي .. يخليكي
يشيل الدمع والأحزان
وترجع ضحكتك تدوي
يا أمي .. يا كل ما ليا ....
يا أمي .. يا كل ما ليا ....