............***** مساء الخير *****...............
-------------------------------------------------
مساء الخير يا حبايبنا ... مساء النور
وميت ألف طبق بنّور ..... مليته زهور
أريجها بالسعاده يدور ......يعطّر فى البلاد الدور
يطلّع م القلوب أحقاد
ويحمى خلّى م الحسّاد
ويهديه ربى ويخلّيه
ويشفى من لدد وعناد
وامسّى عاللى واحشنىّ
وخلّوا النوم يطير منّى
ومش زعلان
مادام فى البعد مرتاحين
أنا فرحان ومتهنّى
مادام راضيين
ومش زعلان لأنّه من قليبى قريب
كلامه يدفّى أشواقى
مع الذكرى .. أبد ما يغيب
وامسى عاللى حبّونا .. وأدعى للى كرهونا
وا سامح اللى ظلمونا
واقول يا مصر .. اهدى بقى
كفايه عليكى جور وشقا
وعودى بالسلام طبعك
عزيزه وغاليه على شعبك
وينصرنا على اعادينا
ويلعن كل من ظلمك .
.....................