قلبي لسه في إنتظارك..بقلم الشاعر المصري طه إبراهيم- مجلة نجوم الأدب والشعر

قلبي لسه ف إنتظارك

@@@@@@@@@

كنت بحلم تيجي دغري تقولي مالك
و ألقي نفسي جوه قلبك وف خيالك
كنت بحلم نفسي أسمع صوت سؤالك
يا حبيبي إيه حصلك إيه جرالك
حتي إسمي اللي أنت حفظه مش ف بالك
لسه قلبي اللي أنت سبته ف إنتظارك
لو تقولي أي حاجه يمكن أقبل إعتذارك
نفسي أعرف يا حبيبي فين قرارك
حد قالك حاجه عني شد قلبك وإنشغالك
يمكن أسكت ياحبيبي لوعرفت إنه إختيارك
ليه تسبني يا حبيبي جوه نارك
هي جنه وانت فيها مكتبالك
ولا قلبي لما سبته كان حلالك
و لا ذني إن عاشق لون جمالك
عمري ما انسي أي كلمه قولتهالك
عمري ما انسي أي همسه من سؤالك
وانت جنبي كنت أحس اللي ف خيالك
كنت أعرف أي حاجه جت ف بالك
كنت بحسب إن حبي هو أملك وإنشغالك
حتي شعري اللي انت شوفته كان عشانك
سبت روحي رغم روحي محتجالك
برضو أقبل مهما تنسي بإختيارك
تحت أمرك يا حبيبي قلبي لسه ف إنتظارك

@@@@@@@@@

بقلم / / طه إبراهيم