مدرسة الحياة )
كنتي شايلة الهم عني
واني هاقدر أبقى زيك
كان دا ظني
كل همسة جوا عقلي
إلا إني
تهت في بحر الحياة
يوم ما جيت ابقى مكانك
راح زماني جاب زمانك
قاله .. اشهد
قاللي اتحداكي إنك
تبقي صورة م اللي راح
قلت هبقى !!
وابتدا مشوار حياتي
كل حاجة يا امه سهلة
بين إديه
الدليفري .. والغازية
إلا إن الوقت ضايع
بين إديه !!
كنتي قادرة ازاي تلمي ؟
كان علامك أقوى مني ؟
دحنا م الجامعة خرجنا
وانتي م الكُتَاب يادوب
فسريلي..ازاي قدرتي
ويه خط الفقر شيلتي
فسريلي ازاي نشلتي
مركبك ؟
قد ايه حضنك يساع ؟
كانت اللقمة هنية
تكفي ( 100)
جوه مصر همومنا
كانت متدارية
والحبايب ما لها عد
جالنا كنتاكي وفرق
1000 سد
واحنا مفهمناش ساعتها
قلنا راحة ...واستراحة
والحقيقة ...دي استباحة
علمونا ع التناحة
والقباحة
لما فرطنا ف نصايحك
وانتي حاسة
جرحي جرحك
لسه برضو راضية عني !
لسه بتدافعي ..تقولي
غصب عني
ألف رحمة ونور عليكي
ألف رحمة ونور يا أمي