المركز الرابع مجال شعر العامية بمسابقة مجلة نجوم الأدب والشعر دورة مارس 2016 قصيدة علي بابك ياأمي 60 درجة للشاعرة أسماء ابو علي محمد / مصر

عن الأم
على بابك يا أمي
********
علی بابك باعد نجوم
وباستنی أشوف النور
وجوا في جسمك الدافي
عافيت النوم
وبره ف دنيتك ياما هاشوف
اللوم
قولي ياللي حبساني في
قلب حنون
تعبت كتير وشيلتيني لحد
اليوم
ولسه الجای هتشيلي شقی
وهموم
قسوة دنيا مليانة سحب
وغيوم
مجرد حرف في كتابك قدر
محتوم
والف ف ساقية دوارة تتوه
في الكون
هييجي يوم واكون جنبك
أو افضل جوه شرايينك
أكون حملك علی ضهرك
والاقي دنيتي ف ليلك
وتروي عطشي في الأول
وف الآخر هاكون زيرك
أنا ف أولي وأخري
أنا منك هأكون ضلك
وريدي لسه في وريدك
ونبضي جوه شريانك
وعقدة رابطة ف حبالك
وعمري اللي فات ده كان منك
وعمري الجای فدا عمرك
وفي الآخر بكون ابنك
أكون أملك واكون سندك
بتاخديني في أحضانك
وعارفة اني محتاجك
ولما تجف أيامك
أكون سندك واكون تاجك
علی بابك بشوف النور
وشمس مطلعة زهورها وفيها
عيون
وأطياف السما بتسبح ف قلب
الكون
وأنهارك علی جناح السما
بتقول
وقمر الليل ما بيصدق يكون
مرسوم
علی بابك لقيتك في خيالي
شجون
وخوفك لما جيت أحبي تشيلي
هموم
وفرحة ف قلبي تديكي الأمل
بالكوم
وتوهة في سكة مقطوعة تلاقي
النور
وجزء ف قلب سهرايه ينادي
عليه
وجوه العين رايح دمعك يرد
عليه
أنا ربان علی جناح الزمن سابح
في أنهارك
وأنا طاير علی كف الرياح نايم
في أوطانك
وانا موال بيتغنی في محرابك
لقيت الجنة تحت أقدامك
أنا الأول وانا الآخر
وانا من جهلي مش ساخر
علی جناحك بشوف الشمس
في غيابها
واشوف النجمة تستني علی
بابها
واشوف قمرك بينزل من سماه
ليكي
واشوف الدنيا هربانة بتجري ع
اللي مش ليكي
حنانك زاد وغطاني وفايض منه
حباية
وقلبك لما شلتيني مكنش غيره
سلواية
مكنتش عارف اتكلم واقول
يامای
لكن سامع صوت الشكوی في
قلبك ای
حاسس ألمك
سامع قلبك ودقاته
شايف ننك ودمعاته
لكن يا خسارة مش عارف أقول
كلمة تواسيكي
والاقي قوة تحميكي
كمان لسه حاسس وانتي علی
سريرك
دموعك م الوجع نازلة وألمك بان
علی جبينك
وانا لسه علی بابك
من النجمة وانا باستنی ف معادك
ليوم فرحك
وخايف برضه من بكره ابكيكي
واشوف دمعك
أكيد يامای عايزاني
أكيد يامای مفيش عندك كلام
تاني
ولا فكرة تخليكي بعيد عن دنيا
جايباني
ولا نظرة رضا منك
تحسسني بأن الجنة شارياني