إهداء
(أليها سيدة نساء الدنيا
المرأة التي أحتملتني حتي فاض الحنين اليها شوقاً)
دمعة الفراق
( 1)
في كﻻم جوايا بيصرخ
من غير صوت
نفسي صراخي يمﻻ الدنيا سكوت
محدش سمعني
محدش فهمني
محدش طبطب علي كتفي
واﻻ قام من عز نومة يرقبني
واﻻ بدموعه غسل الهم مني
محدش غيرك أنتي
كان من نظرة عين فهمني
من غير حتي ميشفني
وان بعدت عني
في عز الشدة تندهلي
متخغش غير من اللي
خلقها وخلقني
كانت حنينه قوي
والنظرة في عيونها
تعدي سنة وتجيب سنه
وهي واقغة متحيرة
خايفة عليا ومتغيرة
مع أني كبرت
وعديت كل الحدود
وأتغيرت
وأتبدلت
( 2 )
لكن عشان أنسي حضنك
ثانيه ما قدرت
أنتي فاكرة أيه
مليش قلب
أنا أبنك يا أمه
اللي كبرت
أزاي متالمش
ما أتعذبش
أزاي إقراء
الفراق في عنيكي ومتكلمش
صحيح غصب عني
لكن مش بيدي
إسمع كﻻم الدكاترة
وأسيبك
طب أزاي
ولسه النبض في وريدك
ونظرة عينك
وضحكتك
حتي وأنت مسافرة
صحيح المرة دي مش راجعه
بس أنا حاسس أنك لسه
زي مأنتي جامدة

( 3)

هما يومين وراجعه
أنا غلطان
وأنتي عارفة أني ندمان
من حتي ميكون بنا كﻻم
أنت حاسه باللي مش قادر أفسرة
مش أمي
يبقي انت عارفني
أكتر مني
وأكيد عارفة قد أيه
حبك هو كل همي
أزاي بالسهوله دي بعتي عني
أنت عارفة أن لسه محتجلك
وكمان نادين وساندي
لسه مسمعوش منك حكيتي

( 4 )
والله وكبرت يا أمه
وبأن عليكي العجز
مرة واحدة
وكأنك مستنياه
عارفه أنك مسافرة
ومش راجعة
ومع ذلك راضيه
بس فاكرنا وأحد وأحد
ولما مسكتي أيدي
عنيكي أترشقت في عيني
وقالت كﻻم
عمري يا أمه مهنسه
خلي بالك من أخوتك
وأبوك كمان
ارتحي يا امه ومتخفيش
دول جو عيوني اﻻتنين
بس لو مرة تعبت
او خفت اجيب زي حضنك منين
كل الدكاترة
وقفم
وقالو مفيش فيدة
وطالع من ايدنا ايه
( 5)
بس احنا بشر
ودمعنا ومشعرنا
والوجع اللي بين ضلوعنا
مين يقدر يداريه
اقولك أيه
أرتحي يا أمه
كفايه اللي شيلتيه سنين
حاسس بيكي
وعارف أنه مش بيدك
بس أحنا بشر
أحنا وﻻدك
والبشر مفارق
مسرنا نتقابل
في الجنه يا أمه مكانك
ووعد في كل صﻻة
وكل سجدة
أدعيلك
وأعلم عيلي كمان
في كل وقت
يدعولك
في الجنة ونعيمها يا أمه
صحيح البشر مفارق
بس دمعة الفراق مرة
بس دمعة الفراق مرة

*****