ﺍﻟﻘﻠﺐ ﻟﻪ ﻭﺍﺣﺪ..بقلم الشاعر المصري رفعت فايد- مجلة نجوم الأدب والشعر

ﻓﻰ ﺍﻟﺪﻧﻴﺎ ﻳﺎﻣﺎ ﻧﻘﺎﺑﻞ .. ﻓﻰ ﺍﻟﻄﺮﻕ ﺃﺻﻨﺎﻑ
ﺃﻧﻮﺍﻉ ﻛﺘﻴﺮ ﻡ ﺍﻟﺒﺸﺮ ... ﻭﺍﻟﻌﺪ ﺑﺎﻻّﻻﻑ
ﺃﺑﻴﺾ ﻭﺃﺳﻤﺮ ﻭﻗﻤﺤﻰ .. ﻃﻮﻳﻞ ﻋﻠﻰ ﻗﺼﻴّﺮ
ﻭﻃﺒﺎﻉ ﻓﻰ ﺩﻧﻴﺎﻧﺎ .. ﻻﺯﻡ ﻳﺒﻘﻰ ﺑﻴﻨﻬﺎ ﺧﻼﻑ
ﻭﻣﻦ ﺍﻻّﻻﻑ ﻛﻠﻬﺎ .. ﻭﺣﺘﻰ ﻡ ﺍﻟﻤﻼﻳﻴﻦ
ﺍﻟﻘﻠﺐ ﺑﻴﺮﻭﺡ ﻟﻮﺍﺣﺪ ﺑﺲ .. ﻣﺶ ﻟﺘﻨﻴﻦ
ﻭﺣﺘﻰ ﻟﻮ ﺷﺎﻑ ﺟﻤﺎﻝ .. ﺣﺴﻨﻪ ﻣﺎ ﻭﺻﻔﺸﻰ
ﺧﻼﺹ ﺑﻘﻰ ﺍﻟﻘﻠﺐ ﻟﻪ .. ﺃﺑﺪﺍ ﻣﺎ ﺑﻴﺮﻭﺣﺸﻰ
ﻣﻤﻜﻦ ﻗﻮﻯ ﺍﻟﻌﻴﻦ ﺗﺒﺺ .. ﺃﻳﻮﻩ ﻧﻈﺮﻩ ﺻﺤﻴﺢ
ﻟﻜﻨﻬﺎ ﻧﻈﺮﻩ ﻭﺑﺴﺮﻋﻪ ﻳﺎﺧﺪﻫﺎ ﺍﻟﺮﻳﺢ
ﺍﻟﻠّﻰ ﺳﻜﻦ ﻓﻰ ﺍﻟﻘﻠﺐ .. ﻭﺍﺣﺪ ﺑﺲ
ﻣﻼ ﺍﻟﺠﻮﺍﻧﺢ .. ﻣﻔﻴﺶ ﺣﺘّﻪ .. ﻟﻘﻤﺮ ﻭﻻ ﺷﻤﺲ