ﺟﻮﺍﻳﺎ ﻧﺎﻯ ..بقلم ﺍﻟﺸﺎﻋﺮ المصري/ ﻣﺪﺣﺖ ﻋﻄﻴﺔ- مجلة نجوم الأدب والشعر

ﺗﻌﺒﺖ ﻣﻦ ﺍﻟﺤﺰﻥ
ﻭﻋﻠﻢ ﻓﻴﺎ
ﺯﻯ ﺍﻟﺰﻣﻦ
ﻣﺎ ﻳﺴﻴﺐ ﺷﻘﻮﻗﻪ
ﻋﻠﻰ ﺍﻟﺤﻴﻄﺎﻥ
ﻭﺍﻷﺭﺽ ﺃﻫﻰ ﺗﺤﺘﻴﺔ
ﻋﻨﻴﺪﻩ .. ﻣﺎﺳﻜﺔ
ﻓﻰ ﺟﺮﻳﺔ .. ﺣﺼﺎﻥ
ﺃﺟﻰ ﺃﺻﺮﺥ
ﺻﻮﺗﻰ ﻣﺎ ﺑﻴﻄﻠﻌﺶ
ﺃﺟﺮﻯ .. ﺃﻫﺮﺏ
ﺭﺟﻠﻰ ﻣﻜﺎﻧﻬﺎ
ﻣﺎﺑﺘﺘﺮﻓﻌﺶ
ﺇﻟـ ﺃﺣﺒﻪ
ﻳﻌﺪﻯ .. ﻣﺎﺑﻴﺮﺟﻌﺶ
ﻭﺇﻟـ ﺃﺭﺗﺎﺡ ﻓﻰ ﻭﺟﻮﺩﻩ
ﺃﻧﺎﺩﻯ ﻋﻠﻴﻪ
ﻭﺩﻧﻪ ﺗﻘﻴﻠﺔ
ﻣﺎ ﺑﻴﺴﻤﻌﺶ
ﻛﻞ ﻣﺎ ﺃﻓﻚ
ﻗﻴﺪ
ﺍﻻﻗﻰ .. ﻗﻴﻮﺩ
ﺃﻟﻤﺢ ﺑﺮﺍﺡ
ﻭﺃﻳﺪ
ﻭﺭﺍﻫﺎ .. ﺣﺪﻭﺩ
ﺃﻋﺎﻓﺮ ﺃﻋﺪﻯ ﺍﻟﻨﻬﺮ
ﺃﻟﻘﻰ ﺃﺧﺮﻩ ﺳﺪﻭﺩ
ﻭﺇﺳﺘﻨﻰ ﺍﻟﻨﻬﺎﺭ
ﺍﻟﻘﻰ ﻋﻴﻮﻧﻪ
ﺳﻮﺩ
ﺟﻮﺍﻳﺎ ﻧﺎﻯ
ﺟﻮﺍﻩ .. ﺟﻮﺍﻯ
ﺑﻴﻘﻮﻝ ﺯﻱ ﺍﻵﻩ
ﻭﻏﻨﺎﻩ .. ﻳﺸﺒﻪ ﻏُﻨﺎﻯ
ﺟﻮﺍﻳﺎ ﺳﺎﻛﻦ
ﻧﺎﻯ
ﻧﺎﻳﻢ ﻓﻰ ﺿﺤﻜﻰ
ﻭﺻﻮﺗﻪ
ﻃﺎﻟﻊ ﻭﻳﻴﺎﻯ
ﻟﺤﻈﻪ ﻣﺎ ﺃﺧﻄﻰ
ﻛﺄﻧﻪ ﺟﺎﻯ
ﻭﻟﺤﻈﻪ ﻣﺎ ﻫﻞ
ﺗﻠﻘﺎﻩ ﻣﻌﺎﻯ